logo_geo
eng_logo
გიორგი ვოლსკი: სააკაშვილის რეჟიმმა ბრძოლის ველზე მიატოვა გმირულად დაღუპული ბიჭების ცხედრები, განზრახ გასწირა და...
- +

6 აგვისტო. 2019. 19:23

 

 

„სააკაშვილის რეჟიმმა ბრძოლის ველზე მიატოვა გმირულად დაღუპული ბიჭების ცხედრები“, - წერს საპარლამენტო უმრავლესობის ლიდერი გიორგი ვოლსკი სოციალურ ქსელში და 2008 წლის აგვისტოს ომს იხსენებს.

 

„11 წელი გავიდა! გმირია ყველა, ვინც ამ ომში იბრძოდა, ვინც ბრძოლის ველზე დაეცა.

 

სამხედროებთან ერთად ომის შედეგად დაიღუპა 228 მშვიდობიანი თანამოქალაქე, 1 747 დაიჭრა. დევნილების რაოდენობას კიდევ 30 000-მდე ადამიანი დაემატა, მათ ყველაფერი დაკარგეს!

 

ამ შედეგებზე პასუხისმგებელი პირები დღესაც ცდილობენ პოლიტიკურ ასპარეზზე პოზიციების შენარჩუნებას და „ანტისაოკუპაციო“ ლოზუნგებსაც გაიძახიან. რაც ყველაზე სამწუხაროა, იმ ადამიანების აყოლიებასაც ახერხებენ, ვისაც არ ახსოვს ეს მოვლენები:

 

  1. სწორედ სააკაშვილის რეჟიმმა მოახდინა პარტნიორი ქვეყნების მიერ დამტკიცებული სამშვიდობო გეგმის განზრახ ჩაშლა;

 

  1. წაგებისთვის გასწირა ჩვენი ქვეყანა და მეომრები, სასიკვდილო სამიზნედ გამოფინა გორის მოედანზე ჩვენი შვილები;

 

  1. ბრძოლის ველზე მიატოვა გმირულად დაღუპული ბიჭების ცხედრები;

 

  1. განზრახ გასწირა, საომარი მოქმედებების ზონიდან არ გამოიყვანა მშვიდობიანი მოსახლეობა;

 

  1. რვა აგვისტოს ჩათვლით არ აღიარებდა რუსეთის მონაწილეობას აგრესიაში, არ მიმართა გაეროს უშიშროების საბჭოს საგანგებო ვითარების შესახებ;

 

  1. რუსეთისვე დაკვეთით დაბომბა წინასწარ მონიშნული, დაცლილი არეალი, თავადვე გადაიღო ეს „ოპერაცია“ და კადრები გაავრცელა მსოფლიო მასშტაბით;

 

  1. აგრესორს შეუქმნა შემოჭრისთვის თავის მართლების საფუძველი;

 

  1. „მტრისთვის ნიღბის ჩამოხსნის“ აღსანიშნავი ზეიმი მოაწყო რუსთაველზე;

 

  1. იმავე წელს, თავადვე დაუჭირა მხარი ევროპის საბჭოს საპარლამენტო ასამბლეის რეზოლუციას, სადაც მითითებულია, რომ ფართომასშტაბიანი ომი განაპირობა დაბომბვამ, ხოლო რუსეთმა საპასუხო ქმედება განახორციელა.

 

კიდევ რა უნდა გააკეთონ რათა, სულ მცირე, „ანტისაოკუპაციო“ მაინც აღარ უწოდონ მათ და „პროდასავლური“ მათ პოლიტიკას?“ - წერს ვოლსკი.

 

 

 

right_banner right_banner
არქივი
right_banner