logo_geo
eng_logo
ემზარ კვიციანი: მადლობა კორონას... უამრავი სიკეთე მოგვიტანა - ემიგრანტები ბრუნდებიან, ლიბერალიზმი შეაჩერა
- +

21 მარტი. 2020. 02:59

 

 

“პატრიოტთა ალიანსის” წარმომადგენელი და პარლამენტის წევრი ემზარ კვიციანი კორონავირუსს სიკეთედ მიიჩნევს, იმ დროს, როცა მთელ მსოფლიოში კოვი 19-ით 11 ათასზე მეტი ადამიანი დაიღუპა, 266 ათასზე მეტი კი დაინფიცირდა. პარლამენტარი სინოდის დღევანდელ სხდომას ეხმაურება.

 

 

“ეჭვიც არ მეპარებოდა ,რომ ასე იქნებოდა, მადლობა ჩემს გამჩენს, რომელმაც ქართველად, მართლმადიდებლად გამაჩინა! მადლობა კორონას, უფალმა კორონასთან ბრძოლით გაგვაძლიერა და უამრავი სიკეთე მოგვიტანა, ემიგრანტი დედები უბრუნდებიან შვილებს, სოფლად მიტოვებული სახლებში 80% დაბრუნდა, გლობალიზაცია უსაზღვრო ლიბერალიზმი შეაჩერა. ქართველებს დაუბრუნდათ ქართველებისადმი პატივისცემა.

 

მე პირადად აწი რომც შემეყაროს კორონა, მაინც სამადლობელს ვიტყვი კორონას მიმართ. მადლობა ჩემო მტერო კორონა საკმარისად სიკეთე გვიყავ, აწი წადი მშვიდობით სხვაგან, დანარჩენ მსოფლიოში დაამყარე წესრიგი, ჩვენ გამოვსწორდით! დიდება და მადლობა უფალს ყველაფრისთვის!!!

 

პ.ს. ჩემო აბხაზო ძმებო და დებო, აუცილებლად უნდა დაუბრუნდეთ ერთმანეთს, ჩემო ოსებო ჩავთვალოთ რომ ემიგრაციაში ვიმყოფებით ერთმანეთისგან და დავბრუნდეთ სახლში ჩვენ ერთნი ვართ! ჩემო რუსო ოკუპანტებო, მოუსმინეთ თქვენს წმინდანს, სერაფიმ საროველს და შეაჩერეთ ჩვენთან დაპირისპირება! ნუ შეუშლით რუს, აფხაზ და ოს ხალხს ქართველებთან მეგობრობაში ხელს, მარიამ ღვთისშობელი შეგეწევათ ამ მძიმე სნეულებასთან ბრძოლაში. უფალს ებარებოდეთ!!!” - წერს ემზარ კვიციანი სოციალურ ქსელში

 

right_banner right_banner
არქივი
right_banner