logo_geo
eng_logo
ნათია თურნავა: მალაიზიასთან ერთობლივი ბიზნეს-ფორუმების მოწყობასა და ბიზნეს-დელეგაციების ვიზიტების ორგანიზებას ხელს შევუწყობთ
- +

18 თებერვალი. 2020. 11:09

 

„შეხვედრაზე ჩვენ მოვისმინეთ მალაიზიის მხარის დიდი ინტერესი, საქართველოსთან ურთიერთობა განავითაროს. მნიშვნელოვანია, რომ მათ, ჩვენს მსგავსად, სურვილი აქვთ ყურადღება გაამახვილონ ისეთ პრიორიტეტულ სფეროებზე, როგორიცაა ტურიზმი, ლოგისტიკა, ტრანსპორტი, ერთობლივი ბიზნესი, განათლება“, - განაცხადა ეკონომიკისა და მდგრადი განვითარების მინისტრმა ნათია თურნავამ მალაიზიის საპარლამენტო დელეგაციასთან შეხვედრის შემდეგ. დელეგაციას მალაიზიის პარლამენტის წარმომადგენელთა პალატის თავმჯდომარეს ტან სრი დატო მოჰამად არიფ მდ. იუსოფი ხელმძღვანელობდა.

 

„ჩვენ მალაიზიის პარლამენტის დელეგაციის წევრებს მოვუყევით, რომ განათლება არის ჩვენი მაღალი რანგის პრიორიტეტი - 2022 წლიდან ჩვენი მშპ-ს 6 პროცენტი დაიხარჯება სწორედ განათლების რეფორმასა და განათლების სექტორში, ასევე ვისაუბრეთ იმ საჭიროებებზე, რაც არსებობს პროფესიული განათლების თვალსაზრისით. შევთანხმდით, რომ დავეხმარებით ჩვენს უნივერსიტეტებს, წარმართონ სტუდენტური გაცვლის პროგრამები“, - განაცხადა ნათია თურნავამ.

 

კიდევ ერთი პრიორიტეტული მიმართულება, რომლის შესახებაც ნათია თურნავამ მალაიზიის საპარლამენტო დელეგაციის წევრებთან ისაუბრა, ერთობლივი ბიზნეს-ფორუმების მოწყობა და ორივე ქვეყანაში ბიზნეს-დელეგაციების ვიზიტების ორგანიზება იყო.

 

right_banner
არქივი
right_banner