logo_geo
eng_logo
ბექა დავითულიანი: ჩვენ ერთად შევძელით, ნულოვანი ტოლერანტობის პოლიტიკიდან ნულოვან ბარიერამდე და პოლიტიკურ თავისუფლებამდე მივსულიყავით
- +

25 ივნისი. 2019. 18:41

 

თბილისის საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ბექა დავითულიანი 20 ივნისს განვითარებულ მოვლენებს საკრებულოს სხდომაზე გამოეხმაურა. მისი თქმით, საზოგადოების პროტესტი, რომელიც რუსი დეპუტატის საქართველოს უმაღლეს ტრიბუნაზე გამოჩენას მოჰყვა, სრულიად გულწრფელი და ჯანსაღი იყო. სამწუხაროდ ამ ჯანსაღი საპროტესტო მუხტით სარგებლობა სცადეს დესტრუქციულმა პოლიტიკოსებმა, გაკეთდა ძალადობის, პარლამენტში შეჭრის მოწოდებები.

 

„პირველ რიგში მინდა აღვნიშნო, რომ ძალიან მძიმე ფაქტს ჰქონდა ადგილი საქართველოს პარლამენტში, როდესაც რუსი დელეგატი საქართველოს უმაღლეს ტრიბუნაზე დაჯდა. ეს საქართველოს მოქალაქეებისთვის და ყველა ჩვენგანისთვის აღმაშფოთებელი იყო. ამას საზოგადოების მხრიდან სრულიად ჯანსაღი პროტესტი მოჰყვა, რომელსაც, ცხადია, ჩვენც სრულად ვიზიარებთ“, - განაცხადა ბექა დავითულიანმა.

 

როგორც ბექა დავითულიანმა განმარტა, საკითხი პოლიტიკურ და სამართლებრივ ნაწილებად უნდა გავყოთ. მისივე თქმით, ხელისუფლებამ პოლიტიკური პასუხისმგებლობა აიღო, გადადგა პარლამენტის თავმჯდომარე, მანდატი დატოვა ღონისძიების მასპინძელმა.

 

„ის, რაც მოხდა საქართველოს პარლამენტში, იყო ძალიან დიდი შეცდომა, რომელზეც პოლიტიკური პასუხისმგებლობა ხელისუფლებამ უკვე აიღო. გადადგა პარლამენტის თავმჯდომარე და რუსი დეპუტატის საქართველოში ჩამოყვანის უშუალო ორგანიზატორმა დეპუტატის მანდატი დატოვა. რაც შეეხება პარლამენტის წინ განვითარებულ მოვლენებს, ვთვლი, რომ ძალადობის ინსპირაცია მოხდა, რომელზეც დესტრუქციული მოწოდებების ავტორებს პასუხისმგებლობა არ აუღიათ. არც ამ ფაქტებზე, არც უფლებამოსილების გადამეტებაზე ჯერჯერობით სრულფასოვანი სამართლებრივი შეფასება არ გაკეთებულა. ჩემი აზრით, აქციის დაშლის დროს კონკრეტულ შემთხვევებში ადგილი ჰქონდა ძალის გადამეტებას. ერთ ნაწილშიც და მეორე ნაწილშიც ყველა ეს ფაქტი არის გამოსაძიებელი“, - განაცხადა ბექა დავითულიანმა.

 

ბექა დავითულიანის თქმით, ხელისუფლება მოსახლეობის განწყობის ადეკვატურია, რაც მის პოლიტიკურ გადაწყვეტილებებში ჩანს.

 

„2020 წლის საპარლამენტო არჩევნები პროპორციული წესით ჩატარდება და ნულოვანი ბარიერი ამოქმედდება. საზოგადოება გაიზარდა და აღარავის პატიობს შეცდომას. ჩვენ ერთად შევძელით, ნულოვანი ტოლერანტობის პოლიტიკიდან ნულოვანი ბარიერისა და პოლიტიკური თავისუფლების პროცესამდე მივსულიყავით. მე დარწმუნებული ვარ, ეს მოდელი ქვეყანას დემოკრატიულ პროცესში მნიშვნელოვან წვლილს შეიტანს. პარლამენტში ყველა საზოგადოებრივი ჯგუფის წევრს ეყოლება წარმომადგენელი“, - განაცხადა დეპუტატმა.

 

რაც შეეხება კონკრეტული თანამდებობის პირების გადადგომის საკითხს, მისი თქმით, ოპოზიციის ამოცანა არა არჩევნების გზით ხელისუფლების შეცვლა, არამედ რევოლუციური ვნებების დაკმაყოფილებაა.

 

 

 

 

right_banner right_banner
არქივი
right_banner