logo_geo
eng_logo
გიგი უგულავა: „ნაციონალური მოძრაობა“ გაყოფილი კი არა, დანგრეულია
- +

10 იანვარი. 2017. 17:12



„ნაციონალური მოძრაობის" ერთ-ერთი ლიდერი, გიგი უგულავა არც ადასტურებს და არც უარყოფს გავრცელებულ ინფორმაციას, რომ ყრილობის 20 იანვარს ჩატარების მოწინააღმდეგები პარტიიდან გასვლის შესახებ განცხადებას 12 იანვარს გააკეთებენ.


„ეს პარტია აღარ არის ერთიანი. ეს პარტია გაყოფის წინაშეა. როდესაც ადამიანები ერთმენთს გამარჯობას არ ეუბნებიან, ნიშნავს რომ ფუნდამენტური პრობლემებია. პარტიის ერთიანობის შენარჩუნების რესურსი, პრაქტიკულად, აღარ არის. არ ვადასტურებ არანაირ გაყოფას, რადგან პარტია გაყოფილი კი არა, დანგრეულია. სამწუხაროდ, ყველას ჩვენ ჩვენი პასუხისმგებლობა გვაქვს ამ პროცესში. ჩემთვის წარმოუდგენელია, რომ ახალი პარტია უნდა შეიქმნას და ის, რომ ჩვენმა თანამოზარეებმა ახალი პარტია გავაკეთოთ რთული წარმოსადგენია და არ არის ადვილი გადაწყვეტილება, მაგრამ, მეორე მხრივ, როდესაც შეუძლებელია წინსვლა და პროგრესი, მაშინ უნდა მიიღო გადაწყვეტილება, სად დარჩები - აირჩევ პროგრესს, თავისუფლებას, თუ გადაეშვები „ნაციონალურ", პოპულისტურ დემაგოგიაში, რომელიც საზოგადოებას არაფერს მოუტანს", - განაცხადა უგულავამ.

 

 


 

right_banner
არქივი
right_banner