logo_geo
eng_logo
ალექსანდრე ჯეჯელავა განათლების ახალ მინისტრს რამდენიმე რჩევას აძლევს
- +

14 ნოემბერი. 2017. 11:45



განათლების ყოფილი მინისტრი ალექსანდრე ჯეჯელავა ახალ მინისტრს ორ მთავარ გამოწვევას უტოვებს. ამის შესახებ ჯეჯელავამ ჟურნალისტებთან საუბრისას განაცხადა და აქვე აღნიშნა, რომ ერთ-ერთი მთავარი გამოწვევა არის სოფლის და უმცირესობების სკოლებში კვალიფიციური მასწავლებლების ნაკლებობა, ხოლო მეორე გამოწვევას წარმოადგენს პროფესიულ სასწავლებლებში სტუდენტების ნაკლებობა.


„მთავარ გამოწვევად ახალ მინისტრს ვუტოვებ სოფლის და უმცირესობებით დაკომპლექტებულ სკოლებში კვალიფიციური მასწავლებლების ნაკლებობას, განსაკუთრებით საბუნებისმეტყველო საგნებში. მეორე, მთავარ გამოწვევად ვუტოვებ პროფესიულ სასწავლებლებში სტუდენტების მცირე რაოდენობას. ეს არის ცენტრალური გამოწვევები", - განაცხადა ალექსანდრე ჯეჯელავამ.


განათლების ყოფილი მინისტრი ახალ მინისტრს რამდენიმე რჩევასაც აძლევს.


„მთავარი რჩევა ახალი მინისტრისთვის იქნება, რომ მაქსიმალური კონცენტრაცია მოახდინოს გრძელვადიან შედეგზე. დარწმუნებული ვარ, სწორი მმართველობის თუ ყოველდღიურ რუტინაში არ ჩავვარდებით თითოეული ჩვენგანი, შესაძლებელია, ჩვენი პროფესიული თუ უმაღლესი განათლების სისტემა და სკოლაც იყოს აბსოლუტურად სხვა დონეზე", - განაცხადა ალექსანდრე ჯეჯელავამ.


ჯეჯელავამ დღეს ახალ მინისტრს უწყება გადააბარა.









 

right_banner right_banner
არქივი
right_banner