logo_geo
eng_logo
შალვა თადუმაძემ აშშ-ის ელჩის მოვალეობის შემსრულებელთან გაცნობითი ხასიათის შეხვედრა გამართა
- +

23 ივლისი. 2018. 19:43

 

საქართველოს მთავარი პროკურორი შალვა თადუმაძე საქართველოში  ამერიკის შეერთებული შტატების ელჩის მოვალეობის შემსრულებელს ელიზაბეთ რუდს შეხვდა. საქართველოს მთავარ პროკურატურაში გამართულ შეხვედრას  მთავარი პროკურორის მოადგილე გიორგი გოგაძე და აშშ-ს საელჩოს რეზიდენტი მრჩეველი სამართლებრივ საკითხებში მაიკლ გრანტი ესწრებოდნენ.

 

გაცნობითი ხასიათის შეხვედრაზე ამერიკის შეერთებული შტატების ელჩის მოვალეობის შემსრულებელმა შალვა თადუმაძეს მთავარ პროკურორად არჩევა მიულოცა და პროფესიულ საქმიანობაში წარმატებები უსურვა.

 

შალვა თადუმაძემ ელიზაბეთ რუდს   მადლობა გადაუხადა  ამერიკელი კოლეგების მიერ პროკურატურის განვითარების საქმეში შეტანილი წვლილისთვის და ისაუბრა სამომავლო პრიორიტეტების თაობაზე.

 

როგორც ელიზაბეთ რუდმა შეხვედრაზე აღნიშნა, ამერიკის საელჩო მზად არის საქართველოს პროკურატურას დახმარება გაუწიოს სისტემის გაძლიერებისა და საზოგადოებრივი ნდობის მეტად ამაღლებისთვის დაგეგმილი ღონისძიებების განხორციელებაში და სამომავლოდაც დარჩეს მის მტკიცე მხარდამჭერად.

 

მხარეები შეთანხმდნენ, რომ გაგრძელდება კოორდინირებული მუშაობა საკანონმდებლო ჩარჩოს დახვეწის მიმართულებით. ასევე ხაზი გაესვა პროკურორთა დამოუკიდებლობის ხარისხის გაზრდის მნიშვნელობას.

 

 

 

 

right_banner right_banner
არქივი
right_banner