logo_geo
eng_logo
მამუკა ბახტაძე: აშშ-სა და საქართველოს ურთიერთობა ასეთ მაღალ დონეზე არასდროს ყოფილა
- +

22 სექტემბერი. 2018. 21:29

 

 

„ამერიკის შეერთებულ შტატებსა და საქართველოს შორის ურთიერთობა არის უმაღლეს დონეზე. არასდროს ყოფილა  ასეთ მაღალ დონეზე ჩვენი ურთიერთობა და ასეთი ორიენტირებული კონკრეტულ შედეგებზე“, - ამის შესახებ საქართველოს პრემიერ-მინისტრმა მამუკა ბახტაძემ დღეს, ტელეკომპანია „იმედის“ ეთერში, განაცხადა.

 

როგორც მთავრობის მეთაურმა აღნიშნა,  „ქართული ოცნების“ ხელისუფლების პირობებში და იმ პირობებში და პრეზიდენტ ტრამპის და მისი ადმინისტრაციის მნიშვნელოვანი მხარდაჭერის პირობებში საქართველომ შეძლო, რომ ეს ურთიერთობები კიდევ უფრო გაგვეღრმავებინა და აგვეყვანა ყველაზე მაღალ დონეზე.

 

„დამოუკიდებლობის დღიდან ამერიკის შეერთებული შტატები დგას ჩვენი სახელმწიფოებრიობის გვერდით და  რა თქმა უნდა, ძალიანს სასიხარულოა, რომ დღეს ეს ურთიერთობა არის ყველაზე მაღალ დონეზე, შესაბამისად, ეს არის ისტორიული შანსი იმისთვის, რომ ჩვენ კიდევ უფრო გავაღრმავოთ ჩვენი ურთიერთობები ყველა მიმართულებით. მე ვფიქრობ, სახელმწიფო დეპარტამენტის განცხადება არის ძალიან ერთმნიშვნელოვანი, რომელიც მიუთითებს იმ ძალიან დიდ პროგრესზე, რომელიც გვაქვს ქვეყანაში. რა თქმა უნდა, ჩვენს ამერიკელ კოლეგებს კარგად ესმით, თუ როგორი რთულია, ქვეყანა გყავდეს განვითარების ასეთ მაღალ ტრაექტორიაზე, მაშინ, როდესაც ჩვენ გვაქვს სისტემური აგრესია რუსეთის ფედერაციის მხრიდან. ეს არის გამოწვევებით აღსავსე გზა, მაგრამ სწორედ ჩვენი მეგობრობა და ჩვენი პარტნიორობა იმაში გამოიხატება, რომ ჩვენ ერთობლივი ძალისხმევით გადავლახოთ ეს გამოწვევები“, - განაცხადა მამუკა ბახტაძემ.

 

პრემიერ-მინისტრის თქმით, ბოლო ორი წლის განმავლობაში ხუთი საკანონმდებლო აქტის მიღება მოხდა, სადაც ერთმნიშვნელოვნად მხარდაჭერილია საქართველოს ტერიტორიული მთლიანობა, ნახსენებია ის აგრესია და ოკუპაცია, რომელსაც რუსეთის ფედერაცია საქართველოში ახორციელებს.

 

„მინდა განსაკუთრებით ხაზი გავუსვა ჩვენთვის ძალიან მნიშვნელოვან კანონს ბიუჯეტის შესახებ, სადაც ნათლად არის ასახული აშშ-ის მკვეთრი რეაქცია ყველა იმ სახელმწიფოს მიმართ, რომელიც კითხვის ნიშნის ქვეშ დააყენებს საქართველოს ტერიტორიულ მთლიანობას. ეს არის ძალიან კონკრეტული გზავნილები, ეს არის ძალიან კონკრეტული დახმარება და მე კიდევ ერთხელ მსურს მადლობა გადავუხადო პრეზიდენტ ტრამპს, მის ადმინისტრაციას და მისი გუნდის ყველა წევრს ასეთი ერთგული დახმარებისთვის“, - განაცხადა მამუკა ბახტაძემ.   

 

 

 

right_banner right_banner
არქივი
right_banner