logo_geo
eng_logo
ირაკლი კობახიძე: უნდა ვიმსჯელოთ ცილისწამებასთან დაკავშირებულ პრობლემაზე
- +

12 იანვარი. 2019. 12:43

„ჩვენ უნდა ვიმსჯელოთ ამ პრობლემაზე და გამოხატვის თავისუფლების ფარგლებში, თუ რაიმე ზომების მიღებაა შესაძლებელი, უნდა მივიღოთ“,- ამის შესახებ პარლამენტის თავმჯდომარემ ირაკლი კობახიძემ, რითაც გამოეხმაურა ცილისწამებასთან დაკავშირებული კანონპროექტის ინიციატივას, რომელზეც გუშინ პრეზიდენტმა ისაუბრა.

 

„აქ საუბარია იდეის დონეზე, იმაზე, რომ პრობლემას სჭირდება ანალიზი. პრობლემა კი სახეზეა. ყველა ვხედავთ ამ პრობლემას. აქ საუბარია არა მარტო ცილისწამებაზე, არამედ მძიმე ფორმით შეურაცხყოფაზე, რაც ისმის ყოველდღიურად, როგორც სატელევიზიო სივრცესა და სოციალურ ქსელებში, ასევე სხვა ფორმით და ბილწსიტყვაობაც კი გახდა ყოველდღიური ცხოვრების შემადგენელი ნაწილი, სამწუხაროდ, რაც ნამდვილად არ შეესაბამება ქართულ კულტურას. ჩვენი საზოგადოება დგას ბევრად უფრო მაღალ დონეზე, ვიდრე ეს ჩანს ხანდახან იმ სურათიდან, რომელსაც ქმნის ხანდახან მედია, ხანდახან სოციალური ქსელები. აქედან გამომდინარე, ჩვენ უნდა ვიმსჯელოთ ამ პრობლემაზე და გამოხატვის თავისუფლების ფარგლებში, თუ რაიმე ზომების მიღებაა შესაძლებელი, უნდა მივიღოთ“, - განაცხადა ირაკლი კობახიძემ.

შეგახსენებთ, პრეზიდენტი სალომე ზურაბიშვილი მიიჩნევს, რომ საჭიროა ისეთი კანონმდებლობა, რომელიც ადამიანის ღირსების მეტ დაცულობასაც და სიტყვის თავისუფლებასაც უზრუნველყოფს.

 

 

 

right_banner right_banner
არქივი
right_banner
×