logo_geo
eng_logo
რომან კაკულია: პარლამენტში აუცილებლად მოვუსმენთ მამუკა ხაზარაძესა და ბადრი ჯაფარიძეს
- +

19 თებერვალი. 2019. 20:51

 

 

„„თიბისი ბანკის“ საკითხი ძალიან მნიშვნელოვანია, დარწმუნებული ვარ, პარლამენტში მოსმენა გაიმართება“,-ამის შესახებ პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, რომან კაკულიამ განაცხადა.

 

 

 

„თიბისი ბანკის“ საკითხი ძალიან მნიშვნელოვანია, დარწმუნებული ვარ, შეთანხმება იქნება და პარლამენტში აუცილებლად მოვუსმენთ მამუკა ხაზარაძესა და ბადრი ჯაფარიძეს. თუმცა მნიშვნელოვანია, მოსმენის დროს მაქსიმალური ინფორმაციით ვიყოთ აღჭურვილი შესაბამისი უწყებების მხრიდან, რომ მსჯელობა საგნობრივი იყოს და არ იყოს ცალმხრივი.

 

 

ვიფიქრებდი იმაზე, ასეთი მოსმენის ჩატარება როდის არის მიზანშეწონილი. მოსმენა ცალმხრივად შეიძლება, მაგრამ პოზიცია, რომ ჩამოიყალიბო, ორივე მხარის არგუმენტირებული მოსმენა გინდა. იდეა მისაღებია, მაგრამ როდის, ეს დამოკიდებულია იმაზე, როდის გვექნება პროკურატურის მხრიდან უფრო მყარი ინფორმაცია, რათა უკეთ ინფორმირებული ვიყოთ პოზიციის ჩამოყალიბებისთვის“, – განაცხადა რომან კაკულიამ.

 

 

 

„თიბისი ბანკის“ სამეთვალყურეო საბჭოს თავმჯდომარემ, მამუკა ხაზარაძემ და მისმა მოადგილემ, ბადრი ჯაფარიძემ დღეს გაავრცელეს განცხადება, რომლითაც მიესალმებიან პარლამენტის წევრების მზაობას, შესაბამის კომიტეტებში მოსმენილი იყოს ინფორმაცია 11 წლის წინ განხორციელებულ ტრანზაქციებთან დაკავშირებით.

 

 

„მზად ვართ, დეპუტატებისთვის ხელსაყრელ დროს მივიღოთ მონაწილეობა შესაბამისი ფორმატის შეხვედრაში“, – აღნიშნულია ერთობლივ განცხადებაში.

 

 

წყარო : wyaro
right_banner right_banner
არქივი
right_banner
×