logo_geo
eng_logo
საახალწლო განათებების მონტაჟთან დაკავშირებით დედაქალაქის ზოგიერთ ქუჩაზე მოძრაობა შეიზღუდება
- +

9 ნოემბერი. 2019. 15:15

 

საახალწლო განათებების მონტაჟთან დაკავშირებით დედაქალაქის ზოგიერთ ქუჩაზე მოძრაობა შეიზღუდება, - ამის შესახებ ინფორმაციას თბილისის მერია ავრცელებს.

 

„დედაქალაქის მასშტაბით საახალწლო განათებების მონტაჟი მიმდინარეობს. აღნიშნული სამუშაოებიდან გამომდინარე, დღეს, 19:00 საათიდან დილის 07:00 საათამდე, მოძრაობა ნაწილობრივ შეიზღუდება სიმონ კანდელაკის ქუჩაზე და ასევე, ამაღამ, 23:00 საათიდან 07:00 საათამდე, მოძრაობა ნაწილობრივ შეიზღუდება - ვახტანგ გორგასალის ქუჩაზე, პეტრე ბაგრატიონის მოედნიდან გია გულუას მოედნამდე და თენგიზ შეშელიძის ქუჩაზე, დავით სარაჯიშვილის ქუჩის კვეთიდან - გიორგი მინდელის ხიდამდე.

 

სამუშაოებს „თბილსერვის ჯგუფი“ ახორციელებს.

 

თბილისის მერია ბოდიშს გიხდით შეფერხებისთვის!“ - ნათქვამია მერიის მიერ გავრცელებულ ინფორმაციაში.

 

 

 

 

right_banner
არქივი
right_banner