logo_geo
eng_logo
ბიძინა ივანიშვილი: ჩვენ განვითარების ტემპები უნდა გავზარდოთ, რომ ვიყოთ ევროპის ქვეყნების სრულყოფილი და სრულფასოვანი წევრი
- +

9 ნოემბერი. 2019. 17:09

 

„ეს იქნება საერთაშორისო უნივერსიტეტი და ჩვენ იმედი გვაქვს, რომ ძალიან ბევრი უცხოელი მოინდომებს ქუთაისში სწავლას“, - განაცხადა „ქართული ოცნება-დემოკრატიული საქართველოს“ თავმჯდომარე ბიძინა ივანიშვილმა ქუთაისის საუნივერსიტეტო ქალაქზე საუბრისას.

 

მისი თქმით, უნივერსიტეტის სწავლების ყველა სტანდარტი დაცული იქნება და ჩვენ მივიღებთ გერმანული სწავლების ფორმას საქართველოში.

 

როგორც ბიძინა ივანიშვილმა აღნიშნა, ჩვენს უნივერსიტეტებში ახლაც ჩამოდიან განვითარებადი ქვეყნებიდან და სწავლობენ სტუდენტები, მაგრამ ქუთაისის საერთაშორისო უნივერსიტეტს ექნება მაღალი დონე, რაც შესაძლებელს გახდის, ევროპის ქვეყნებიდანაც ჩამოვიდნენ სტუდენტები.

 

„ეს იქნება ტიპიურად ევროპული უნივერსიტეტი. პროექტიც და პროექტირებაც, ყველაფერი გვაქვს მიუნხენის უნივერსიტეტთან შესაბამისი. იცით, რომ მისი ყოფილი რექტორი იქნება ამ უნივერსიტეტის საპატიო რექტორიც, ესეც ნიშანდობლივია ძალიან. მიუნხენის უნივერსიტეტთან თანამშრომლობა არ არის მხოლოდ ფორმალური. უნივერსიტეტის სწავლების ყველა სტანდარტი დაცული იქნება და ჩვენ მივიღებთ გერმანული სწავლების ფორმას საქართველოში. თუ განათლებას გერმანული შრომისმოყვარეობა და შრომის კულტურაც მოჰყვება, რა თქმა უნდა, ეს დამატებით ბიძგს მიცემს საქართველოს. ჩვენ განვითარების ტემპები უნდა გავზარდოთ, რომ მოვახერხოთ და რაც შეიძლება სწრაფად დავფუძნდეთ ჩვენს ისტორიულ ადგილზე. მხედველობაში მაქვს ადგილი არა ტერიტორია პირდაპირი მნიშვნელობით, არამედ ადგილი, რომ ჩვენ ვიყოთ განვითარებული ევროპის ქვეყნების  სრულფასოვანი წევრი. ამას განათლების გარეშე ვერ მოვახერხებთ“, - განაცხადა ბიძინა ივანიშვილმა.

 

 

 

right_banner right_banner
არქივი
right_banner