logo_geo
eng_logo
ევროპის სურსათის უვნებლობის უზენაეს ორგანოსთან თანამშრომლობა ღრმავდება
- +

10 დეკემბერი. 2019. 15:18

 

გარემოს დაცვისა და სოფლის მეურნეობის სამინისტროს სოფლის მეურნეობის სამეცნიერო-კვლევითი ცენტი ევროპის სურსათის უვნებლობის უზენაეს ორგანოსთან (EFSA) თანამშრომლობას აღრმავებს. მხარეებმა ურთიერთთანამშრომლობის მემორანდუმს მოაწერეს ხელი, რომელიც სურსათის უვნებლობის რისკის შეფასების კუთხით მონაცემების შეგროვებას, გაზიარებას და სამეცნიერო თანამშრომლობის გაღრმავებას გულისხმობს. აღნიშნული მემორანდუმი ხელს შეუწყობს ცენტრის თანამშრომლებს სურსათის უვნებლობის რისკის შეფასების გლობალურ ექსპერტთა საზოგადოებაში ინტეგრაციაში, სამეცნიერო პოტენციალის ამაღლებასა და ქვეყანაში სურსათის უვნებლობის რისკის შეფასების სფეროში კვლევების გაძლიერებაში.

 

სოფლის მეურნეობის სამეცნიერო-კვლევითი ცენტრი ევროპის სურსათის უვნებლობის სააგენტოსთან წლების განმავლობაში წარმატებულად თანამშრომლობს, მხარეების ჩართულობით საქართველოში რამდენიმე მნიშვნელოვანი საერთაშორისო პრაქტიკული ტრენინგი და სამუშაო შეხვედრა ჩატარდა, რომელსაც რისკის შეფასების და სურსათის უვნებლობის სპეციალისტები უკრაინიდან, ლატვიიდან, მოლდოვადან, ბელარუსიდან, სომხეთიდან და აზერბაიჯანიდან ესწრებოდნენ. მხარეების თანამშრომლობით ამერიკულ სამეცნიერო გამოცემაში „Springer” ერთობლივი სამეცნიერო პუბლიკაცია გამოქვეყნდა, რომელმაც მილიონობით მეცნიერის და ამ სფეროს ექსპერტის ინტერესი დაიმსახურა.

 

აღსანიშნავია, რომ სურსათის უვნებლობის სფეროში რისკის ანალიზის და შეფასების პრინციპების განხორციელება საქართველოს ორი საერთაშორისო ხელშეკრულებით - მსოფლიო სავაჭრო ორგანიზაციის (WTO) SPS შეთანხებით და ევროკავშირთან ასოცირების შეთანხმებით ევალება.

 

 

 

right_banner right_banner
არქივი
right_banner