logo_geo
eng_logo
70 წელს გადაცილებულ პენსიონერებს აპრილის პენსიით სარგებლობა ხვალიდან შეეძლებათ
- +

23 მარტი. 2020. 15:24

 

 

„ლიბერთი“, პენსიების წინასწარ ჩასარიცხად, საკუთარი რესურსით, 100 მილიონი ლარის მოცულობის პროგრამის განხორციელებას იწყებს.

 

„ლიბერთი ბანკის“ გენერალური დირექტორის ვასილ ხოდელის განცხადებით, ყველაზე სარისკო ჯგუფში მოაზრებულ ადამიანებს, რომლებიც დღეს 70 წლის და ზევით არიან, აპრილის პენსიები წინასწარ ჩაერიცხებათ.

 

„პენსიები წინასწარ ჩაირიცხება 70 წლის და ზევით ჩვენი მომხმარებლების სოციალურ ბარათებზე და უკვე ხვალიდან, ჩვენს მომხმარებლებს შესაძლებლობა ექნებათ, ჩარიცხული თანხებით ისარგებლონ და გადაიხადონ მხოლოდ ბარათით – მაღაზიებსა და აფთიაქებში. ბანკის დისტანციური მომსახურების ცენტრში კი, ერთი ზარით, შეძლებენ გადაიხადონ კომუნალური გადასახადები. ვიცით, რომ ჩვენი მომხმარებლის უმეტესობა, პენსიის ჩარიცხვისას თანხის განაღდებას ანუ ნაღდ ფულს ანიჭებს უპირატესობას, რაც დაავადებათა კონტროლის ცენტრის რეკომენდაციით, თავშეყრის ადგილებთან ერთად, ერთ-ერთ საფრთხეს წარმოადგენს. ამიტომ, წინასწარ ჩარიცხული პენსიით, უფასოდ, სარგებლობა მომხმარებლებს შეეძლებათ მყისიერად ბარათით გადახდისას“, – განაცხადა ვასილ ხოდელმა.

 

რაც შეეხება თანხის განაღდებას, ამის შესაძლებლობა ექნება ყველა პენსიონერს, ეტაპობრივად, „ლიბერთი ბანკის“ მერ შედგენილი გრაფიკის მიხედვით. ამ გრაფიკის სანახავად, შეიქმნა სპეციალური საიტი myliberty.ge, სადაც შესაძლებელია ნახვა, თუ როდის შეძლებს მომხმარებელი პენსიის ნაღდი ფულით სარგებლობას.

 

„ასევე, მობილიზებულია 08 სამსახური, რომელიც 70 წლის და მეტი ასაკის თითოეულ პენსიონერთან განახორციელებს ავტომატურ ზარებს და შეტყობინებებს ნაღდი ფულით სარგებლობის თარიღის შესახებ და ასევე, უპასუხებს მათ კითხვებს ნომერზე 208 ქალაქის ნომრიდან და 032 208 მობილურიდან. ზარი უფასოა. ეს პროგრამა მარტივი განსახორციელებელი არ არის და საჭიროებს სრულიად მთელი საზოგადოების ჩართულობას ამ ადამიანებთან ინფორმაციის მიტანაში“, – განაცხადა ვასილ ხოდელმა.

 

 

 

 

 

right_banner right_banner
არქივი
right_banner