logo_geo
eng_logo
დაჭრილი პატიმრის ძმა აცხადებს, რომ ნიკოლოზ ჩოფიკაშვილს 2 წლის წინ თვითმკვლელობის მცდელობა ჰქონდა
- +

14 თებერვალი. 2018. 14:32



ნიკოლოზ ჩოფიკაშვილის ძმის, თამაზ ჩოფიკაშვილის თქმით, მისმა ძმამ დაახლოებით ორი წლის წინ სცადა თვითმკველოლობა, მაშინ როცა ახალი დაჭერილი იყო. ის ოთხჯერ იყო გადაყვანილი  ფსიქიატრიულ კლინიკაში. მისი თქმით, ნიკოლოზ ჩოფიკაშივილი ერთი დღით ადრე დაუკავშირდა მას და შეხვედრა  სთხოვა, თუმცა რაიმე დაპირისპირება ციხეში არ უხსენებია.


თამაზ ჩოფიკაშვილი ითხოვს ობიექტურ, სრულ  გამოძიებას, რადგან ფიქრობს, რომ შესაძლოა ეს არ იყოს თვითმკვლელობის მცდელობა, რადგან არ არის ნაპოვნი თვითდაზიანების იარაღი. თამაზ ჩოფიკაშვილი მისი ძმისთვის სრულყოფილ სამედიცინო დახმარებასაც ითხოვს.


ცნობისთვის, მსჯავრდებულმა ჩ.ნ.-მ 10 თებერვალს საკნის საპირფარეშოში თვითდაზიანება მიიყენა. მსჯავრდებულს ციხის ადმინისტრაციამ მყისიერად აღმოუჩინა სამედიცინო დახმარება. მომხდარიდან 7 წუთის განმავლობაში ის  გადაყვანილ იქნა  სამოქალაქო სექტორის კლინიკაში. რის შესახებაც დაუყოვნებლივ ეცნობა მსჯავრდებულის ოჯახის წევრებს. ამის შესახებ სასჯელაღსრულებისა და პრობაციის სამინისტროს მიერ გავრცელებულ განცხადებაშია ნათქვამი.


„მსჯავრდებულის ჯანმრთელობის მდგომარეობა ამ დროისთვის სტაბილურად მძიმეა. ჩ.ნ საკანში სამ  თანამოსაკნესთან ერთად იმყოფებოდა. მოწმეთა ჩვენებით, სავარაუდოდ, მსჯავრდებულმა თვითდაზიანება ერთჯერადი საპარსის პირით მიიყენა.


პატიმარი ჩ.ნ.  პენიტენციურ  დაწესებულებაში 2014 წლიდან  იხდის  სასჯელს 19-108 მუხლით, რაც მკვლელობის მცდელობას გულისხმობს. ჩ.ნ.-მ პენიტენციურ დაწესებულებაში ყოფნის პერიოდში წარსულშიც  სამჯერ მიიყენა თვითდაზიანება, სამივე ფაქტზე მოხდა მისი გამოკითხვა, რის შედეგადაც, მისივე თქმით  დადგინდა, რომ თვითდაზიანებები მსჯავრდებულმა სულიერი აშლილობის ნიადაგზე ყოველგვარი საპროტესტო მოთხოვნების გარეშე მიიყენა. ამ ფაქტებთან დაკავშირებით ჩანაწერები არსებობს მსჯავრდებულის პირად საქმეში. ფსიქიკური მდგომარეობიდან გამომდინარე, ჩ.ნ. ექიმ-ფსიქიატრის რეკომენდაციის საფუძველზე, 5-ჯერ იყო გადაყვანილი სამკურნალო დაწესებულების ფსიქიატრიულ განყოფილებაში ფსიქიატრიული სტაციონარული  მომსახურების მიღების  მიზნით.  ბოლოს ის , 2017 წლის აგვისტოდან ორი თვის განმავლობაში მკურნალობდა. ასევე, ჩ.ნ. 2016 წლიდან ჩართული იყო სუიციდის პრევენციის პროგრამაში.


გამოძიებას სასჯელაღსრულებისა და პრობაციის სამინისტროს საგამოძიებო სამსახური 115-ე მუხლით აწარმოებს", - ნათქვამია უწყების მიერ გავრცელებულ განცხადებაში.





 

right_banner right_banner
არქივი
right_banner