logo_geo
eng_logo
კახა კალაძე: გვაქვს მთელი რიგი მიმართულებები, სადაც ხელფასების თვალსაზრისით სერიოზული პრობლემებია
- +

16 აპრილი. 2018. 13:38

 

 

„მეტროს მემანქანეებისთვის ამ ეტაპზე ხელფასების გაზრდა არ იგეგმება“, – ამის შესახებ თბილისის მერმა კახა კალაძემ განაცხადა.

 

კახა კალაძემ ჟურნალისტებთან კომენტარი გააკეთა გავრცელებულ ინფორმაციაზე, რომ ისინი ხელფასების 45%-ით გაზრდას ითხოვენ, წინააღმდეგ შემთხვევაში კი გაფიცვით იმუქრებიან.

 

კახა კალაძის განმარტებით, მათი ხელფასი 1500 ლარამდეა.

 

„ჩვენ გვაქვს მთელი რიგი მიმართულებები, სადაც ხელფასების თვალსაზრისით სერიოზული პრობლემებია. თუნდაც ბაღების მიმართულებით, სადაც დასაქმებულებს აქვთ ძალიან დიდი პასუხისმგებლობა და ხელფასი აქვთ 300-400 ლარი, ხოლო დირექტორებს 800 ლარი. ეს რა თქმა უნდა, ძალიან ცოტაა. რაც შეეხება მეტროს მემანქანეებს, მათ მომდევნო წლებში, ეკონომიკის განვითარებასთან ერთად ხელფასები მოემატებათ“, – განაცხადა კახა კალაძემ.

 

კახა კალაძე დღეს ქვემო და ზემო ფონიჭალის დამაკავშირებელი მიწისქვეშა სარკინიგზო გზაგამტარის მშენებლობის პროცესს და მასთან მისასვლელი გზის სარეაბილიტაციო სამუშაოებს გაეცნო.

 

 

right_banner right_banner
არქივი
right_banner