logo_geo
eng_logo
გერმანიის მთავრობამ დაამტკიცა კანონპროექტი, რომელიც საქართველოს უსაფრთხო ქვეყნად გამოცხადებას ითვალისწინებს
- +

18 ივლისი. 2018. 20:33

 

 

გერმანიის მთავრობამ ქვეყნის შინაგან საქმეთა მინისტრის, ჰორსტ ზეეჰოფერის მიერ მომზადებული კანონპროექტი დაამტკიცა, რომელიც საქართველოს, ტუნისის, მაროკოსა და ალჟირის უსაფრთხო ქვეყნებად გამოცხადებას ითვალისწინებს. ინფორმაციას ამის შესახებ „დოიჩე ველე“ ავრცელებს.

 

აღნიშნული დოკუმენტი განსახილველად ბუნდესტაგს გადაეგზავნება.

 

გერმანიის მთავრობა იმედოვნებს, რომ კანონის ამოქმედება ჩამოთვლილი ქვეყნებიდან მიგრანტების თავშესაფრის განაცხადების დამუშავების პროცესს დააჩქარებს და აღნიშნული ქვეყნებიდან მიგრაციულ ნაკადს შეამცირებს.

 

მთავრობის მიერ დამტკიცებულ დოკუმენტში აღნიშნულია, რომ საქართველოს მოქალაქეების მიერ წარდგენილი თავშესაფრის მაძიებელთა განაცხადებიდან, მხოლოდ 0,6 პროცენტი დაკმაყოფილდა, ალჟირი მოქალაქეების შემთხვევაში ეს მაჩვენებელი 2 პროცენტს შეადგენს, მაროკოს – 4,1 პროცენტს, ტუნისის კი – 2,7 პროცენტს.

 

2014 წლის სექტემბერში გერმანიამ უსაფრთხო ქვეყნების სიაში სერბეთი, მაკედონია და ბოსნია-ჰერცეგოვინა შეიყვანა. მოგვიანებით კი, სიას ალბანეთი, კოსოვო და მონტენეგრო დაემატნენ.

 

 

right_banner right_banner
არქივი
right_banner