logo_geo
eng_logo
ლევან დავითაშვილი: დაზარალებულ მოსახლეობას ფულადი კომპენსაციით ვერ დავეხმარებით
- +

19 აგვისტო. 2018. 16:26

 

გარემოს დაცვისა და სოფლის მეურნეობის მინისტრის ლევან დავითაშვილის განცხადებით, სტიქიის შედეგად დაზარალებულ მოსახლეობას ფულადი კომპენსაციით ვერ დაეხმარებიან, თუმცა ქარხნებთან უკვე შედგა მოლაპარაკება, რომ დაზიანებული მოსავალი ჩაიბარონ.

 

„ზარალი დიდია. რა თქმა უნდა, სამწუხაროა, როცა ასეთ მასშტაბურ სტიქიასთან გვაქვს საქმე. ახლა ჩვენთვის მნიშვნელოვანია, რომ სწრაფად მივიღოთ გადაწყვეტილება და ფერმერებმა ნაწილობრივ გადარჩენილი ყურძნის ჩაბარება შეძლონ. სწორედ ამიტომ დღეს საგანგებოდ შევიკრიბეთ რთველის შტაბში. აქ ესწრება ყველა მონაწილე მხარე, არიან კომპანიების წარმომადგენლები, მუნიციპალიტეტების წარმომადგენლები და მხარის გუბერნატორი. ჩვენ დავსახეთ სამოქმედო გეგმა. შტაბს აქვს მუდმივი კონტაქტი იმ კომპანიებთან, რომლებიც დაზიანებული ყურძნისგან სპირტის დამზადებას შეძლებენ. ამ მხრივ მოსახლეობას პრობლემა არ ექნება. ფერმერები ხვალ დილიდან უკვე დაიწყებენ გადარჩენილი ყურძნის დაკრეფას. კარგი იქნება თუ აგროდაზღვევით ისარგებლებენ ფერმერები და რაც უფრო მასშტაბური იქნება ეს, მით უფრო ხელმისაწვდომი ტარიფები იმოქმედებს. ჩვენ ყველა ფერმერს მოვუწოდებთ ნებისმიერ კულტურაში და განსაკუთრებით მევენახეებს, რომ აგროდაზღვევის ინსტრუმენტი ბოლომდე გამოიყენონ. ჩვენის მხრივ მუდმივად ვიქნებით კონტაქტზე, თუმცა ზარალის ფულადი კომპენსაციით ანაზღაურება ამ შემთხვევაში არ მოხდება", - განაცხადა ლევან დავითაშვილმა.

 

right_banner right_banner
არქივი
right_banner