logo_geo
eng_logo
დავით სერგეენკო: ამ დროის მონაცემებით, გარდაცვლილია 4 და დაშავებულია 8 ადამიანი
- +

17 იანვარი. 2019. 01:07

 

 

ჯანდაცვის მინისტრ დავით სერგეენკოს ინფორმაციით, დიდ დიღომში გაზის აფეთქების შედეგად დაშავებული 8 ადამიანი მკურნალობას კლინიკებში გადის. აქედან ექვსი არის ბავშვი და ისინი იაშვილის კლინიკაში მკურნალობენ. რაც შეეხება ორ მოზრდილ პაციენტს, სერგეენკოს თქმით, ისინი ღუდუშაურის კლინიკაში არიან გადაყვანილები. მინისტრის ინფორმაციით, ყველა პაციენტის ჯანმრთელობის მდგომარეობა სტაბილურია.

 

„ბოლო ინფორმაციით, მკურნალობს 8 დაშავებული. ექვსი არის ბავშვი, რომელიც იაშვილის კლინიკაშია მოთავსებული. ორი მოზრდილი ღუდუშაურშია, მათი მდგომარეობა მსუბუქია. არის ოთხი გარდაცვლილი.

 

ექვსი პაციენტი, ბავშვები, რომლებიც აქ არიან, მათი მდგომარეობა საბედნიეროდ მსუბუქია, თუმცა სჭირდებათ ექიმის მეთვალყურეობა და დღეს ღამე აქ დარჩებიან. სულ, მუდმივად ხდება მათი მდგომარეობის გადაფასება. ორი მოზრდილის ჯანმრთელობის მდგომარეობაც, ასვე საბედნიეროდ მსუბუქია“, - განაცხადა დავით სერგეენკომ.

 

თბილისში, დიდ დიღომში ერთ-ერთ საცხოვრებელ კორპუსში ბუნებრივი აირი აფეთქდა, რის შედეგადაც გარდაიცვალა ოთხი და დაშავდა რამდენიმე ადამიანი, მათ შორის ბავშვები. დაზიანებულია საცხოვრებელი კორპუსი.

 

 

right_banner right_banner
არქივი
right_banner
×