logo_geo
eng_logo
ზაზა პაპუაშვილი რუსთაველის თეატრიდან გათავისუფლდა
- +

9 იანვარი. 2017. 02:35



რუსთაველის თეატრის მსახიობი, საპარლამენტო უმრავლესობის წევრი ზაზა პაპუაშვილი რუსთაველის თეატრიდან გათავისუფლდა. ამის შესახებ საინფორმაციო სააგენტო „მარშალპრესი" იუწყება. შესაბამისი გადაწყვეტილება მას შემდეგ იქნა მიღებული, რაც დღის წესრიგში ადმინისტრაციული ხარჯების შემცირების საკითხი დადგა. როგორც ცნობილია, ადმინისტრაციული ხარჯების შემცირება ყველა სახელმწიფო დაწესებულებას შეეხება, რაც ბიუჯეტის დაზოგვას და რიგ შემთხვევაში კადრების შემცირებას გულისხმობს. პაპუაშვილი 2012 წლიდან საქართველოს პარლამენტის წევრია.


ზაზა პაპუაშვილმა დაამთავრა საქართველოს შოთა რუსთაველის სახელობის სახელმწიფო თეატრალური ინსტიტუტი, არის დრამატული თეატრისა და კინოს მსახიობი. პაპუაშვილი რუსთაველის თეატრის მსახიობია 1986 წლიდან. აღსანიშნავი როლებია: კირილე მიმინოშვილი („სამანიშვილის დედინაცვალი"), კლავდიუსი („ჰამლეტი"), სეხიზმუნდო („ცხოვრება სიზმარია"), მასხარა („მეფე ლირი"), იანგ ზუნი („სეჩუანელი კეთილი ადამიანი"), მაკბეტი („მაკბეტი"), მინდია („ლამარა"), ბაჩა („მერე რა რომ სველია სველი იასამანი"), პანტალონე („ქალი გველი"), ჰამლეტი („ჰამლეტი"), მალვოლიო („როგორც გენებოთ ანუ შობის მეთორმეტე ღამე"), ესტრაგონი („გოდოს მოლოდინში"), დარისპანი („დარისპანის გასაჭირი"), სევდიანი უცნობი („ვანილის მოტკბო, სევდიანი სურნელი").


დადგმული აქვს სპექტაკლები ბათუმის ილია ჭავჭავაძის სახელობისა და შოთა რუსთაველის სახელობის დარამატულ თეატრებში.


 

წყარო : wyaro
right_banner
არქივი
right_banner