logo_geo
eng_logo
ირაკლი სესიაშვილი: უსინდისოდ საუბრობენ სარგებელზე, მაშინ როცა გვამები გაციებული არ იყო, რუსთაველზე ტაშფანდური იყო გამართული
- +

7 აგვისტო. 2019. 15:01

 

 

„უსინდისოდ საუბრობენ სარგებელზე, მაშინ როცა გვამები გაციებული არ იყო და რუსთაველზე ტაშფანდური იყო გამართული“, - განაცხადა გაზეთ „ახალი თაობისთვის“ მიცემულ ინტერვიუში თავდაცვისა და უშიშროების კომიტეტის თავმჯდომარე ირაკლი სესიაშვილმა.

 

მისი თქმით, როდესაც შოთა უტიაშვილი ამბობდა, რომ ტერიტორიები აიღეს, ჩვენი მოსახლეობა ჩარჩა იქ და გახდა რუსეთის მსხვერპლი გახდა.

 

„რაც შეეხება უშუალოდ საომარ მოქმედებებს, აქ ჩვენ შეგვიძლია ვისაუბროთ ბევრ შეცდომაზე, მაგრამ შეცდომის გარდა არსებობდა პოლიტიკური პასუხისმგებლობა და დანაშაულები. დანაშაული მდგომარეობს იმაში, რომ როცა სააკაშვილი საუბრობდა, რომ აი რუსეთი შემოვიდა და თავს დაგვესხა, ელემენტარულად ევაკუაცია არ მოხდა მოსახლეობის. უტიაშვილი რომ გამოდის და უსინდისოდ რაღაცა სარგებელზე საუბრობს, რომ ომის შედეგად რაღაც სარგებელი მივიღეთ.  უსინდისოდ საუბრობენ სარგებელზე, მაშინ როცა გვამები გაციებული არ იყო და რუსთაველზე ტაშფანდური იყო გამართული. უტიაშვილი არ იყო რომ გვეუბნებოდა, ეს ტერიტორია ავიღეთ, ის ტერიტორია ავიღეთო და ჩვენი მოსახლეობა ჩარჩა იქ და გახდა რუსეთის მსხვერპლი. აი ამაზე ვსაუბრობ. როცა ჩვენ ვსაუბრობთ წინა ხელისუფლებაზე და პოლიტიკურ პასუხისმგებლობას ვაყენებთ, ეს არ ნიშნავს, რომ რუსებს რაიმე სახით ურბილდებათ საკუთარი საერთაშორისო პასუხისმგებლობა ოკუპაციასთან დაკავშირებით, არა ბატონო.  სააკაშვილი რომ იყო ამ უმძიმესი დანაშაულის თანამონაწილე, რა თქმა უნდა ეს არ ხსნის რუსეთის პასუხისმგებლობას“, - აცხადებს ირაკლი სესიაშვილი.

 

შეკითხვაზე, იყო თუ არა 2008 წლის აგვისტოში საომარი მოქმედებების დაწყების ობიექტური რეალობა , სესიაშვილი პასუხობს:

 

„იმის მაგივრად, რომ ჩვენი ქვეყნის ინტერესები დაგვეცვა და გვემუშავა, პრობლემა მშვიდობიანი გზით, საერთაშორისო საზოგადოების ჩართულობით მოგვეგვარებინა, სააკაშვილის ხელისუფლებამ რეალურად მიგვიყვანა იმ პოლიტიკურ მოცემულობამდე, სადაც რუსეთს ხელ-ფეხი გაეხსნა და ოკუპაცია რეალურად ფორმალურ შედეგად აქცია. აი, ეს არის მთელი უბედურება“, - აცხადებს იგი.

 

 

 

წყარო : wyaro
right_banner
არქივი
right_banner