logo_geo
eng_logo
რომის პაპი: ქართულ მიწაზე ჩემი მომლოცველობისთვის მადლობას ვწირავ უფალს
- +

1 ოქტომბერი. 2016. 20:30



რომის პაპმა ფრანცისკემ სვეტიცხოვლის ტაძარში განაცხადა, რომ ქართული ენა მდიდარია ადამიანთა შორის სიახლოვის გამომხატველი გამოთქმებით.  აქვე, რომის პაპმა ბრძანა, რომ მადლობას სწირავს უფალს იმისთვის, რომ საშუალება მიეცა ქართულ მიწაზე, წმინდა ტაძარში მოელოცა.


„ქართულ მიწაზე ჩემი მომლოცველობისთვის მადლობას ვწირავ უფალს, რომ მომეცა შესაძლებლობა ლოცვაში ჩავღრმავებულიყავი ამ წმინდა ტაძარში. აქვე მსურს, უღრმესი მადლობა მოგახსენოთ მასპინძლობისათვის, თქვენი ამაღელვებელი დამოწმებისათვის რწმენისა, ქართველი ხალხის კეთილი გულისათვის, რომელმაც მე აღმაშენა. თქვენო უწმინდესობავ, მაგონდება ფსალმუნის სიტყვები - „რა კარგი და საამურია ერთად რომ ცხოვრობენ ძმები, როგორც ძვირფასი მირონი თავზეჩამოღვრილი". უძვირფასესო ძმაო, დაე უფალმა, რომელმაც მოგვმადლა სიხარული შეხვედრისა და ერთურთისათვის წმინდა ამბორის მიგებისა, გვაცხოს სურნელოვანი მირონი თანხმობისა. უხვად მოუვლინოს თავისი ლოცვა-კურთხევა ჩვენს და საყვარელი ქართველი ხალხის გზას. ქართული ენა მდიდარია ძმობის, მეგობრობის და ადამიანთა შორის სიახლოვის გამომხატველი გამოთქმებით, მათ შორისაა ერთი მეტად კეთილშობილი და გულწრფელი გამოთქმა - „შენ გენაცვალე", რომლითაც გამოვხატავთ სურვილს შევენაცვლოთ სხვა ადამიანს, ვიტვირთოთ მისი გასაჭირი, საკუთარი სიცოცხლით შევეხიდოთ მას. ლხინისა და ჭირის გაზიარება, ლოცვით ერთობასა და სულიერ კავშირში, ერთურთის ტვირთის ზიდვა, დაე, ამგვარი ძმური ქრისტიანული დამოკიდებულებით იყოს აღბეჭდილი ჩვენი ერთად სავალი გზა", - განაცხადა რომის პაპმა.


 

 

right_banner
არქივი
right_banner