logo_geo
eng_logo
ლიეტუვაში ორმაგი მოქალაქეობის შესახებ რეფერენდუმი გაიმართება
- +

11 მარტი. 2019. 16:50

 

 

ლიეტუვაში 12 მაისს ორმაგი მოქალაქეობის შესახებ რეფერენდუმი გაიმართება. საინფორმაციო პორტალ „დელფის“ ცნობით, აღნიშნული გადაწყვეტილება ქვეყნის სეიმმა მიიღო.

 

რეფერენდუმის დანიშვნას 12 მაისს პარლამენტის 85 წევრმა დაუჭირა მხარი, სამმა დეპუტატმა კი თავი შეიკავა.

 

რეფერენდუმზე ლიეტუვის მოქალაქეებმა უნდა გადაწყვიტონ, ეთანხმებიან თუ არა ორმაგი მოქალაქეობის დაშვებას იმ ქვეყნებში მყოფი თანამემამულეებისთვის, რომლებიც „ევროატლანტიკური ინტეგრაციის კრიტერიუმებს“ შეესაბამებიან.

 

შესაბამისი ქვეყნების ჩამონათვალს კანონი დაადგენს. როგორც ადგილობრივი მედია წერს, ამჟამად მოქმედი კანონმდებლობით, ორმაგი მოქალაქეობა დაუშვებელია იმ ემიგრანტებისთვის, რომლებმაც ლიეტუვა დამოუკიდებლობის აღდგენის შემდეგ დატოვეს და სხვა ქვეყნის მოქალაქეობა მიიღეს.

 

ლიეტუვაში 12 მაისს საპრეზიდენტო არჩევნები იმართება. ამავე დღეს გაიმართება რეფერენდუმი სეიმის წევრთა რაოდენობის შემცირების შესახებ. დაგეგმილია პარლამენტის წევრების რაოდენობის 141-დან 121-მდე შემცირება.

 

 

წყარო : wyaro
right_banner right_banner
არქივი
right_banner
×