დავით ქართველიშვილი: კულუარული ინფორმაციით, თავისი რადიკალური განცხადებებით დანილოვი ზიანს აყენებდა ქვეყნის ინტერესებს

„ლუგანსკის ორგანიზებული დანაშაულებრივი დაჯგუფების ყოფილი წევრის, ალექსეი დანილოვის თანამდებობიდან დათხოვნას კიევის წინაშე ჩინური მხარე, სამშვიდობო პროცესებში ჩართვის თავის ერთ-ერთ პირობად, დიდი ხანია აყენებდა,” – წერს სოციალურ ქსელში „ხალხის ძალის“ წევრი დავით ქართველიშვილი და ამით ის უკრაინის უსაფრთხოების საბჭოს მდივნის თანამდებობიდან გათავისუფლებას ეხმიანება.

როგორც ქართველიშვილი აცხადებს, ამის ერთ-ერთი მიზეზი შესაძლოა ისიც იყოს, რომ ალექსეი დანილოვმა უცენზურო და დამახინჯებულ კონტექსტში მოიხსენია ევროპაში ჩინეთის სპეციალური წარმომადგენელი ლი ჰუეი  და განაცხადა, რომ მსგავსი გვარის ადამიანს არაფერი ესაქმება უკრაინის შიდა პრობლემების მოგვარების საქმეში.

გარდა ამისა, გამომცემლობა Politico იუწყება, რომ ჩინეთი და შვეიცარია მივიდნენ შეთანხმებამდე ქ. ბერნში ჩატარდეს სამშვიდობო სამიტი. აღნიშნული პროცესის დასაწყებად, ლი ჰუეიმ წამოაყენა ორი პრინციპული წინაპირობა: უნდა შეწყდეს უკრაინაში შეიარაღების მიწოდება და ზელენსკიმ უნდა გააუქმოს საკუთარი განკარგულება, რუსეთთან მოლაპარაკებების გამართვაზე უარის თაობაზე მანამ, სანამ მის სათავეში პუტინია. Politico-ს ინფორმაციით, იმ შემთხვევაში, თუ ბერნის სამიტზე არ დაპატიჟებენ რუსეთს – ჩინეთი მათ ბოიკოტირებას მოახდენს,” – წერს სოციალურ ქსელში დავით ქართველიშვილი.