„გვარამიამ რაც არ უნდა ფერი იცვალოს, მაინც მწამებელ ჯალათად დარჩება”, – ამის შესახებ „ქართული ოცნების“ თავმჯდომარე, ირაკლი ღარიბაშვილმა ჟურნალისტებს განუცხადა.
მისი თქმით, ნიკა გვარამია ბოროტი სისტემის მსახური იყო.
„გვარამია არც ჩემთვის და არავისთვის არ არის საინტერესო. ვინ არის, საერთოდ რატომ უნდა ვისაუბრო გვარამიაზე? გვარამია იყო პროკურორის მოადგილე, რომელმაც ჩაიდინა „იმედის“ დარბევა, ძარცვა და ათასი უბედურება. ადამიანებს სწირავდა ეს არარაობა, გაუგებარი ადამიანი. ოჯახებს ანადგურებდა, ჩართული იყო თავიდან ბოლომდე. შემდეგ გახდა მედია მენეჯერი, ახლა პარტიის წარმომადგენელია, პოლიტიკოსი. ძალიან კარგად ვიცით, ვინ არის გვარამია. ჩვეულებრივი, სააკაშვილის გუნდის წევრი. ვინ დაიჯერებს მის გარდასახვას თუ გარდაქმნას. სამარცხვინო სიტუაციაა. როგორ შეიძლება გვარამია და მელია? – რაც არ უნდა ფერი იცვალონ, გნებავთ, კიდევ სხვა რაღაცები გააკეთონ, შეიცვალონ რაღაც-რაღაცები მაინც დარჩება გვარამია მწამებელ ჯალათად. ის იყო ჯალათი, ამ ბოროტი სისტემის მსახური“, – განაცხადა ღარიბაშვილმა.