დავით ქართველიშვილი ლაშა ბუღაძეზე: კონფორმისტები და კოლაბორაციონისტები, აფხაზეთზე და რუსეთზე ლექციებს რა ნამუსით გვიკითხავენ? 1978 წლის 14 აპრილს, როდესაც მთელი საქართველო დედაენას იცავდა, ამ არარაობის მამა სამხატვრო აკადემიის დიპლომს იღებდა, რომელიც მას ლენინმა „გაუნაღდა“
„1978 წლის 14 აპრილს, როდესაც მთელი საქართველო დედაენას იცავდა, ამ არარაობის მამა სამხატვრო აკადემიის დიპლომს იღებდა, რომელიც მას ლენინმა „გაუნაღდა“ – ოღონდ პირდაპირი და არა გადატანითი მნიშვნელობით! მას პირველ კურსზე თურმე რექტორმა უბრძანა: ახლა ან ლენინს დახატავ, ან დიპლომს ვერ ეღირსებიო. ადამიანს ჰქონდა უნიკალური შესაძლებლობა – დისიდენტურ და მოწამებრივ გზას დასდგომოდა. ქრისტესა და ბარაბას შორის – ერთ-ერთი აერჩია. მანაც ლენინი აირჩია და ილიჩმაც დაუფასა: დიპლომი გადასცა“, – ამ სიტყვებით ეხმაურება „ხალხის ძალის“ წევრი დავით ქართველიშვილი მწერალ ლაშა ბუღაძის ფეისბუქ-სტატუსს, რომლის თანახმად, ბუღაძემ მამუკა მდინარაძეს ამორალური მატყუარა უწოდა.
ქართველიშვილის თქმით, კონფორმისტები და კოლაბორაციონისტები ვერ უნდა ბედავდნენ რუსეთსა და აფხაზეთთან დაკავშირებით ლექციების კითხვას.
„1978 წლის 14 აპრილს, როდესაც მთელი საქართველო დედაენას იცავდა, ამ არარაობის მამა სამხატვრო აკადემიის დიპლომს იღებდა, რომელიც მას ლენინმა გაუნაღდა – ოღონდ პირდაპირი და არა გადატანითი მნიშვნელობით! მას პირველ კურსზე თურმე რექტორმა უბრძანა: ახლა ან ლენინს დახატავ, ან დიპლომს ვერ ეღირსებიო. ადამიანს ჰქონდა უნიკალური შესაძლებლობა – დისიდენტურ და მოწამებრივ გზას დასდგომოდა. ქრისტესა და ბარაბას შორის – ერთ-ერთი აერჩია. მანაც ლენინი აირჩია და ილიჩმაც დაუფასა: დიპლომი გადასცა.
კონფორმისტები და კოლაბორაციონისტები, რომლებიც ანწუხელიძის მკვლელობაზე ბრძანების გამცემი გენერლების მძღოლებად და ოფიციანტებად მუშაობდნენ, გუბერნატორების რანგში, ბუღაძის სახით, თავისი შნირების პირით, აფხაზეთზე და რუსეთზე ლექციებს რა ნამუსით გვიკითხავენ? მართლა ხომ არ ბნელა!!! გია ბუღაძეს ცხოვრებაში ერთი ღვთისმშობელი არ დაუხატავს, ის ხომ ლენინს ხატავდა. ხოლო მისი შვილის „ნაწარმოებებს“ კი, რომელსაც მუზა ფაღარათის დროს ეწვეოდა, ნამდვილად დავწვავდი კოცონზე“, – წერს დავით ქართველიშვილი სოციალურ ქსელში.