ლევან ნიკოლეიშვილი ლაზარეს შეწყალებაზე: რადგან სალომე ზურაბიშვილის ქმედებები დღითი დღე მოლოტივის კოქტელზე ცეცხლის წაკიდებას ემგვანება, მიმაჩნია, აუცილებლად უნდა დადგეს გამოძიების დაწყების საკითხი: თუ რა მიზნით და ვისი დავალებით საუბრობს და მოქმედებს
ექსპერტი ლევან ნიკოლეიშვილი სალომე ზურაბიშვილის მიერ პოლიციელებზე თავდასხმის ფაქტზე ბრალდებული ლაზარე გრიგორიადისის შეწყალებას სოციალურ ქსელში ეხმიანება.
როგორც ექსპერტი აღნიშნავს, სალომე ზურაბიშვილი ფაქტობრივად არათუ ეთანხმება აქციების დროს მოლოტოვის კოქტეილების გამოყენებას, არამედ ვერაფერს ხედავს იმაში უჩვეულოს, რომ რომელიმე მომიტინგემ სამართალდამცავის, განსაკუთრებით პოლიციელის ცოცხლად დაწვის გადაწყვეტილება მიიღოს.
მისივე თქმით, ეს ნიშნავს, რომ დე ფაქტო პრეზიდენტი მომხრეა ნებისმიერი სახის არეულობაზე და ქვეყანაში დესტაბილიზაციის ჩამოყალიბებაზე.
“მოულოდნელი არაა, რომ სალომე ზურაბიშვილი ლაზარე გრიგორიადისის შეწყალებას აპირებს. ის ფაქტობრივად არათუ ეთანხმება აქციების დროს მოლოტოვის კოქტეილების გამოყენებას, არამედ ვერაფერს ხედავს იმაში უჩვეულოს, რომ რომელიმე მომიტინგემ სამართალდამცავის, განსაკუთრებით პოლიციელის ცოცხლად დაწვის გადაწყვეტილება მიიღოს. ეს ნიშნავს, რომ დე ფაქტო პრეზიდენტი მომხრეა ნებისმიერი სახის არეულობაზე და ქვეყანაში დესტაბილიზაციის ჩამოყალიბებაზე.
ვიმეორებ, რომ დიდად გაკვირვებულიც ქალბატონი ზურაბიშვილის ამ განზრახვის თაობაზე არ ვარ : მან ჯერ თავის დროზე ქართულ ჯარს დააბრალა 2008 წელს ომის დაწყება, მერე სულ რამდენიმე ხნის წინ სასტიკად ეწინააღმდეგებოდა საქართველოსთვის ევროკავშირის კანდიდატის სტატუსის მიღებას, აქაოდა საქართველო არ იმსახურებსო, არაერთხელ აღნიშნა, რომ ომში მყოფი, ნახევრად განადგურებული უკრაინა თითქოსდა ჩვენზე წინ რომ არის, და ბოლოს როგორც რადიკალებისა და მავნებლების ახლად ჩამოყალიბებული ლიდერი ასევე კატეგორიულად ეწინააღმდეგება გამჭვირვალობის კანონს, წაუკითხავად უწოდებს მას რუსულს, შავი ფულის შემოდინების და ხარჯების მიზნობრიობის დამალვის მომხრეა, რაც მის ცალკეულ ანტისახელმწიფოებრივ ინტერესებზე იძლევა ეჭვის საფუძველს.
რადგან სალომე ზურაბიშვილის ქმედებები დღითი დღე სწორედაც მოლოტივის კოქტელზე ცეცხლის წაკიდებას ემგვანება, მე პირადად მიზანშეწონილად მიმაჩნია, რომ აუცილებლად უნდა დადგეს გამოძიების დაწყების საკითხი: თუ რა მიზნით და ვისი დავალებით საუბრობს და მოქმედებს, სალომე ზურაბიშვილი არა მარტო კონსტიტუციის, არამედ ქართული სახელმწიფოსა და ხალხის წინააღმდეგ!”- წერს ლევან ნიკოლეიშვილი.