“მხოლოდ ერთიანობით გავიმარჯვებთ”, – ამის შესახებ ისრაელის საგარეო საქმეთა მინისტრმა ისრაელ კაცმა განაცხადა.
„ჩვენ ყველამ უნდა შევინარჩუნოთ ჩვენი ერთიანობა, როგორც ხალხმა და როგორც ქვეყანამ, დიდი გამოწვევების წინაშე. მხოლოდ ერთიანობით გავიმარჯვებთ“, – წერს ისრაელის საგარეო საქმეთა მინისტრი ისრაელ კაცი „ტვიტერზე”.
ცნობისთვის, ირანმა ისრაელის მიმართულებით ათეულობით უპილოტო საფრენი აპარატი გაუშვა. ისრაელის თავდაცვის ძალების სპიკერმა განაცხადა, რომ უპილოტო საფრენი აპარატების ისრაელამდე მისვლას რამდენიმე საათი დასჭირდება.
მოგვიანებით ირანის სახელმწიფოსთან დაკავშირებულმა მედიამ გაავრცელა ცნობა, რომ ირანმა ისრაელის მიმართულებით უპილოტო საფრენი აპარატების მეორე ტალღა გაუშვა.