ირანის საგარეო მინისტრი: მეზობელ ქვეყნებს ისრაელზე შეტევის შესახებ 72 საათით ადრე ვაცნობეთ
ირანის საგარეო საქმეთა მინისტრ ჰოსეინ ამირ-აბდოლაჰიანის განცხადებით, ირანმა მეზობელ ქვეყნებს 72 საათით ადრე აცნობა, რომ ისრაელის წინააღმდეგ შეტევა განხორციელდებოდა.
მისი მტკიცებით, ირანმა მეზობელ ქვეყნებს განუცხადა, რომ ოპერაცია ლეგიტიმური თავდაცვის სახით განხორციელდებოდა. მან არ დააკონკრეტა, თუ რომელი ქვეყნები იყვნენ ინფორმირებულები.
„ჩვენი მეზობლებისა და რეგიონის უსაფრთხოებას ირანის ისლამური რესპუბლიკის უსაფრთხოებად მივიჩნევთ“, – დასძინა ჰოსეინ ამირ-აბდოლაჰიანმა.