პარლამენტთან, ჭიჭინაძის ქუჩაზე ვითარება პერიოდულად იძაბება
პარლამენტის შენობასთან, ჭიჭინაძის ქუჩაზე ვითარება პერიოდულად იძაბება. ადგილზე გამჭვირვალობის კანონის მოწინააღმდეგეებთან ერთად რჩებიან ოპოზიციონერი პოლიტიკოსებიც.
ტელეკომპანია „იმედის“ ჟურნალისტებს ადგილზე მუშაობა ისევ რთულ ვითარებაში უწევთ – განსაკუთრებით პირდაპირი ეთერის დროს, როდესაც აქციის მონაწილეები ცდილობენ უცენზურო შეძახილებით გადამღები ჯგუფებისთვის ხელის შეშლას.
პარლამენტთან მიმდინარე აქციაზე სამართალდამცველებმა რამდენიმე ადამიანი, მათ შორის ალექსი პეტრიაშვილი დააკავეს. ინფორმაციას შინაგან საქმეთა სამინისტრო ადასტურებს.