რეჯეფ თაიფ ერდოღანი აცხადებს, რომ დასავლეთის ქვეყნებმა ისრაელზე ზეწოლა უნდა გაზარდონ
თურქეთის პრეზიდენტი რეჯეფ თაიფ ერდოღანი აცხადებს, რომ დასავლეთის ქვეყნებმა უნდა გაზარდონ ისრაელზე ზეწოლა. ამის შესახებ ერდოღანმა მას შემდეგ განაცხადა, რაც „ჰამასი“ ცეცხლის შეწყვეტის შესახებ შეთანხმებას დათანხმდა.
„ჩვენ მივესალმებით „ჰამასის“ მიერ გაკეთებულ განცხადებას, რომ ჩვენი რჩევით, ისინი დათანხმდნენ ცეცხლის შეწყვეტას. ახლა ისრაელმა უნდა გადადგას იგივე ნაბიჯი“, – აღნიშნა ერდოღანმა.
„ჰამასის“ ლიდერებმა ცოტა ხნის წინ განაცხადეს, რომ დათანხმდნენ სამშვიდობო ზავის პირობებს, რომელიც შუამავლებმა – კატარმა და ეგვიპტემ წარადგინეს. ამასთან, ისრაელელი მაღალჩინოსნები აცხადებენ, რომ შეთავაზება ცეცხლის შეწყვეტის შესახებ, რომელსაც „ჰამასი“ დათანხმდა, არ არის ისრაელის მხრიდან მხარდაჭერილი.