Euronews: ევროპის სახალხო პარტიამ უარი თქვა ხელი მოეწერა ერთობლივ განცხადებაზე, რომელიც გმობს პოლიტიკურ ძალადობას
ევროპის სახალხო პარტიამ (EPP) უარი თქვა მთავარი პოლიტიკური პარტიების მიერ შემუშავებულ ერთობლივ განცხადებაზე, რომელიც გმობს დეპუტატებზე ძალადობას ევროპარლამენტში არჩევნების წინ. ინფორმაციას ამის შესახებ Euronews ავრცელებს.
დეკლარაცია სახელწოდებით „დემოკრატიის დასაცავად“ გამოქვეყნდა ოთხშაბათს „სოციალისტებისა და დემოკრატების“ (S&D), „ევროპული განახლების“, „მწვანეთა“ და მემარცხენეების ხელმოწერით.
ორგვერდიანი განცხადება პასუხია მატიას ეკეზე თავდასხმაზე, სოციალისტ დეპუტატზე, რომელსაც გასულ კვირას ფიზიკური შეურაცხყოფა მიაყენეს, როდესაც ის დრეზდენში საარჩევნო კამპანიის პლაკატებს ავრცელებდა.
ურსულა ფონ დერ ლაიენმა, EPP-ის წამყვანმა კანდიდატმა, დაგმო თავდასხმა და თქვა, რომ „დამნაშავეები პასუხისგებაში უნდა მიეცენ“, ხოლო მანფრედ ვებერმა, პარტიის ხელმძღვანელმა, „სრული სოლიდარობა“ გამოუცხადა ეკეს.
თუმცა, როდესაც საქმე შეეხო ერთობლივი განცხადების ხელმოწერას, კონსერვატორებმა უარი თქვეს და სოციალისტებi დაადანაშაულეს საკითხის საარჩევნო მიზნებისთვის გამოყენებაში.
„EPP-ის ჯგუფი არ აწერს ხელს განცხადებას, რომელიც მხოლოდ ერთი კონკრეტული ჯგუფის პოლიტიკური კამპანიის მხარდაჭერას ისახავს მიზნად. ჩვენ შევთავაზეთ კონკრეტული და გონივრული ცვლილებები, რათა მივაღწიოთ ტექსტს, რომელსაც მხარს დაუჭერს ყველა დემოკრატიული ძალა, რომელიც კონკრეტულად იქნა უარყოფილი ამ პოლიტიკური ჯგუფის მიერ“, – განუცხადა EPP-ის წარმომადგენელმა Euronews-ს.