შალვა პაპუაშვილი: ზოგიერთი აქტივისტის უკან რომ „ნაცმოძრაობა“ და კეზერაშვილი არის, მგონი, ეს პირდაპირ ჩანს
პარლამენტის თავმჯდომარის, შალვა პაპუაშვილის განცხადებით, კარგად ჩანს, რომ ყველა, ვინც არის ამ აქციების სახე და ორგანიზატორი, ყველა ეს ადამიანი არის ნაწილი რადიკალური ოპოზიციისა და რადიკალური NGO-ს სიმბიოზისა.
როგორც მან ჟურნალისტებს განუცხადა, პირდაპირ ჩანს, რომ ზოგიერთი აქტივისტის უკან „ნაცმოძრაობა“ და კეზერაშვილი დგას.
„ყველა, ვინც არის ამ აქციების სახე და ორგანიზატორი, ყველა ეს ადამიანი არის ნაწილი რადიკალური ოპოზიციისა და რადიკალური NGO-ს სიმბიოზისა. არ ვიცი, ვინმეს მოტყუებას ვინმე თუ ცდილობს, მაგრამ ზოგიერთი ასეთი აქტივისტის უკან რომ „ნაცმოძრაობა“ და კეზერაშვილი არის, მგონი, ეს პირდაპირ ჩანს. ამის უარყოფაშიც გარკვეული უტიფრობა არის. ყველაფერი კარგად ჩანს“, – აღნიშნა პაპუაშვილმა.
