ნინო ფოჩხუა „POLITICO“-ს სტატიაზე: აქამდე უნდა მიმხვდარიყო ბატონი ჯო, დღევანდელი ხელისუფლება არ ერთვება ასეთ ბინძურ პროვოკაციულ თამაშებში და კანონი გამჭვირვალეობის შესახებ, რომელიც 1938 წლიდან მოქმედებს აშშ-ში, დღეს მეტად მნიშვნელოვანია ჩვენი ქვეყნისთვის
„ნეტავ რას გულისხმობს ბატონი უილსონი დემოკრატიაში, უწყვეტ, ხელოვნურ აქციებს, სახელმწიფო ობიექტების დარბევას, პარლამენტში შევარდნას, მოლოტოვის კოქტეილის მარჯვედ ხმარებას და რაც მთავარია სააკაშვილის გათავისუფლებას? მოკლედ, რეალურად ლეგიტიმური ხელისუფლების რევოლუციური გზით დამხობას და მათი ხელის გოგო-ბიჭების მოყვანას ხელისუფლებაში“, – ასე ეხმიანება ექსპერტი ნინო ფოჩხუა გამოცემა „POLITICO“-ს სტატიას, სადაც წერია, რომ თუ საქართველო აჩვენებს მნიშვნელოვან პროგრესს დემოკრატიის განმტკიცების კუთხით, აშშ დაიწყებს მოლაპარაკებებს სავიზო რეჟიმის ლიბერალიზაციის, ვაჭრობისა და სამხედრო მხარდაჭერის მიმართულებით.
ფოჩხუას თქმით, შეთხელებული აქციების ფონზე, აღშფოთებულმა სტრატეგიულმა პარტნიორმა ახალი სატყუარა შემოაგდო კონგრესმენ ჯო უილსონის პირით. მანვე აღნიშნა, რომ „გამჭვირვალობის კანონი“ რომელიც 1938 წლიდან მოქმედებს აშშ-ში, დღეს მეტად მნიშვნელოვანია ჩვენი ქვეყნისთვის.
„შეთხელებული აქციების ფონზე, აღშფოთებულმა სტრატეგიულმა პარტნიორმა ახალი სატყუარა შემოაგდო კონგრესმენ ჯო უილსონის პირით. აბა ქართველებო, გინდათ ვიზალიბერალიზაცია, სავაჭრო და სამხედრო დახმარება, განავითარეთ დემოკრატია ისე, როგორც ჩვენ გიბრძანებთო. ნეტავ რას გულისხმობს ბატონი უილსონი დემოკრატიაში, უწყვეტ, ხელოვნურ აქციებს, სახელმწიფო ობიექტების დარბევას, პარლამენტში შევარდნას, მოლოტოვის კოქტეილის მარჯვედ ხმარებას და რაც მთავარია სააკაშვილის გათავისუფლებას?
მოკლედ, რეალურად ლეგიტიმური ხელისუფლების რევოლუციური გზით დამხობას და მათი ხელის გოგო-ბიჭების მოყვანას ხელისუფლებაში. ჯერ ერთი, სანამ ეს კანონპროექტი სისრულეში მოვა დიდი გზა აქვს გასავლელი, მეორე ის რომ აქამდე უნდა მიმხვდარიყო ბატონი ჯო, დღევანდელი ხელისუფლება არ ერთვება ასეთ ბინძურ პროვოკაციულ თამაშებში და კანონი გამჭვირვალეობის შესახებ, რომელიც 1938 წლიდან მოქმედებს აშშ-ში დღეს მეტად მნიშვნელოვანია ჩვენი ქვეყნისთვის.
ეს კი მათთვის, ვისაც სჯერა რომ საქართველოს სუვერენიტეტში გაცვლილი ვიზალიბერალიზაცია, მასშტაბური სავაჭრო და სამხედრო დახმარება ისეთივე ფარსია, როგორც ამდენი წელი NATO-ს კარებთან უიმედოდ დგომა“, – წერს ფოჩხუა.
