ზურაბ ქადაგიძე: თურქეთი ემზადება უცხო ქვეყნის აგენტებზე კანონპროექტის ინიციირებისთვის, თურქეთი NATO-ს წევრი და რეგიონის მთავარი აქტორია და სწორედ უცხო გავლენებისგან თავის დასაცავად, კანონმდებლობის მოწესრიგებას იწყებს, იქაც რუსულად მონათლავენ კანონპროექტს?
„ამასობაში, თურქეთი ემზადება უცხო ქვეყნის აგენტებზე კანონპროექტის ინიციირებისთვის! ყველა ქვეყანა საკუთარი სუვერენიტეტისა და საზოგადოების დაცვას სამართლებრივი ბერკეტებით ახერხებს, რათა პროქსი და ჰიბრიდული მანიპულაციებით ვერავინ მოახერხოს ზეგავლენა“, – ასე ეხმიანება „ხალხის ძალის“ წევრი ზურაბ ქადაგიძე ინფორმაციას იმის შესახებ, რომ თურქეთი აპირებს „უცხოელი აგენტების შესახებ“ კანონპროექტის მიმღები ქვეყნების რიგს შეუერთდეს.
ქადაგიძის თქმით, თურქეთი, რომელიც NATO-ს წევრი და რეგიონის მთავარი აქტორია, სწორედ უცხო გავლენებისგან დასაცავად იწყებს კანონმდებლობის მოწესრიგებას. მისივე განცხადებით, მსოფლიო ფხიზლდება ფსევდო-ლიბერალური ილუზიების და ფაშისტური ნარატივებისგან.
„ამასობაში, თურქეთი ემზადება უცხო ქვეყნის აგენტებზე კანონპროექტის ინიციირებისთვის!
ყველა ქვეყანა საკუთარი სუვერენიტეტისა და საზოგადოების დაცვას სამართლებრივი ბერკეტებით ახერხებს, რათა პროქსი და ჰიბრიდული მანიპულაციებით ვერავინ მოახერხოს ზეგავლენა.
თურქეთი NATO-ს წევრი და რეგიონის მთავარი აქტორია და სწორედ, რომ უცხო გავლენებისგან თავის დასაცავად, კანონმდებლობის მოწესრიგებას იწყებს.
იქაც რუსულად მონათლავენ კანონპროექტს?
ძალიან გაუჭირდებათ!
P.S. მსოფლიო ფხიზლდება ფსევდო-ლიბერალური ილუზიებისა და ფაშისტური ნარატივებისაგან.
საქართველო კი ჩვენი რეგიონის ავანგარდშია!“ – წერს ზურაბ ქადაგიძე.
