top_leaderboard

თამთა მეგრელიშვილი: “უცხოური გავლენის გამჭვირვალობის შესახებ” კანონპროექტზე დღეს გამოქვეყნებული ვენეციის კომისიის დაუსაბუთებელი შენიშვნები, იმეორებს ვეტოობანას თამაშს აყოლილი სალომე ზურაბიშვილის ხელწერას

“უცხოური გავლენის გამჭვირვალობის შესახებ” კანონპროექტზე დღეს გამოქვეყნებული ვენეციის კომისიის დაუსაბუთებელი შენიშვნები, იმეორებს ვეტოობანას თამაშს აყოლილი სალომე ზურაბიშვილის ხელწერას, რაც ცხადყოფს, რომ ჩვენი დაუძინებელი მეგობრები ერთი ხელწერით მოქმედებენ”, – წერს „ხალხის ძალის“ წევრი თამთა მეგრელიშვილი.

მეგრელიშვილის თქმით, გამოქვეყნებულ დოკუმენტში პროფესიული მსჯელობის ნაცვლად ურთიერთსაწინააღმდეგო და დაუსაბუთებელი მსჯელობაა, ასევე ადგილი აქვს ფაქტების არაერთ უხეშ დამახინჯებას, რაც კონკრეტული ჯგუფების პოლიტიკურ ინტერესებს ღიად და დაუფარავად ამხელს.

„ვენეციის კომისიის პლატფორმა დღეს მიკერძოების მაღალი ხარისხით გამოყენებულ იქნა “უცხოური გავლენის გამჭვირვალობის შესახებ” კანონპროექტის შესაფასებლად.

გამოქვეყნებულ დოკუმენტში პროფესიული მსჯელობის ნაცვლად ურთიერთსაწინააღმდეგო და დაუსაბუთებელ მსჯელობაა, ასევე ადგილი აქვს ფაქტების არაერთ უხეშ დამახინჯებას, რაც კონკრეტული ჯგუფების პოლიტიკურ ინტერესებს ღიად და დაუფარავად ამხელს.

სამწუხაროდ, პოლიტიკური მიკერძოება, თან ამ ხარისხში, კითხვის ნიშნის ქვეშ აყენებს როგორც ახლა, ასევე სამომავლოდ, ვენეციის კომისიისადმი ნდობას და მის მიერ დადებული შეფასებების ობიექტურობას.

“უცხოური გავლენის გამჭვირვალობის შესახებ” კანონპროექტზე დღეს გამოქვეყნებული ვენეციის კომისიის დაუსაბუთებელი შენიშვნები, იმეორებს ვეტოობანას თამაშს აყოლილი სალომე ზურაბიშვილის ხელწერას, რაც ცხადყოფს, რომ ჩვენი დაუძინებელი მეგობრები ერთი ხელწერით მოქმედებენ.

ყველა დონეზე ჩაშლილია დავალება, მოხდეს ახალგაზრდების ქუჩაში გამოყვანა, აკერმანისეული გადამზადებით ახალგაზრდების სახით ფსიქიკური იარაღი-სახელწოდებით “ამბოხებულების ისტერია” უკვე შექმნილია და ყველა ფერადი რევოლუციის მისაღწევად მოქმედებს“, – წერს თამთა მეგრელიშვილი Facebookზე.

ასევე იხილეთ