თამარ ჩიბურდანიძე: ენტონი ბლინკენის განცხადება ჰააგის სასამართლოს დასანქცირებაზე, ამერიკის პოლიტიკურ სისუსტეზე და დემოკრატიის დასამარებაზე მიუთითებს
პარტია „ხალხის ძალის“ წევრი თამარ ჩიბურდანიძე ჰააგის სასამართლოს დასანცირების საკითხს ეხმიანება. ჩიბურდანიძის თქმით, ამერიკის შეერთებული შტატებს ძალაუფლების შენარჩუნება მთელს მსოფლიოში უჭირს, რაც მათივე დაშვებული შეცდომებით არის განპირობებული. პარტია „ხალხის ძალის“ წევრი აღნიშნავს, რომ ზესახელმწიფოდ წოდებული ქვეყნის დაღმასვლა რთული საყურებელია, მაგრამ ყველაფერს თავისი დრო აქვს.
„ამერიკის შეერთებულ შტატებს ძალაუფლების შენარჩუნება უჭირს, არა მარტო საქართველოში არამედ, მთელ მსოფლიოში. აშკარად ჩანს ევროპის სახელმწიფოებზე მისი გავლენის შესუსტება. ევროპა ცდილობს, თავი დააღწიოს ამერიკის ზეწოლას და აწარმოოს მათთვის სასურველი პოლიტიკა. ამერიკის შეერთებული შტატების გავლენებისგან თავის დაღწევას ცდილობენ სხვა სახელმწიფოებიც. თითქმის ერთი საუკუნეა ამერიკა ლიდერობს მსოფლიოში და ალბათ კიდევ დიდხანს იქნებოდა, რომ არა თავად მათ მიერვე დაშვებული შეცდომები. უპირველეს ყოვლისა, სწორედ უკრაინის ომი, რომელმაც დააჩქარა შორეული სამხრეთ-აღმოსავლეთის წინ წამოწევა და ამერიკის გავლენების შესუსტება. ენტონი ბლინკენის განცხადება ჰააგის სასამართლოს დასანქცირებაზე, ამერიკის პოლიტიკურ სისუსტეზე და დემოკრატიის დასამარებაზე მიუთითებს. მართლმსაჯულების საერთაშორისო სასამართლო სტატუსით ბევრად უფრო მაღლა დგას, ვიდრე გაერთიანებული ერები. ის განსაზღვრავს სამართლიანობის პრინციპს მსოფლიოში. მძიმე საყურებელია ათეული წლების განმავლობაში ზესახელმწიფოდ წოდებული ქვეყნის ასეთი დაღმასვლა, მაგრამ ყველაფერს თავისი დრო აქვს და ყველა გადაჭარბებულ ძალაუფლებას – თავისი დასასრული“, – წერს თამარ ჩიბურდანიძე.