საფრანგეთის თავდაცვის სამინისტრო არ ადასტურებს ფრანგი სამხედრო ინსტრუქტორების უკრაინაში გაგზავნას
საფრანგეთის თავდაცვის სამინისტრო უკრაინის სასწავლო ცენტრებში სამხედრო ინსტრუქტორების გაგზავნის შესახებ ინფორმაციას არ ადასტურებს. ინფორმაციას ფრანგული მედია ავრცელებს.
ჟურნალისტები აღნიშნავენ, რომ სამინისტროში ამ ინფორმაციას ვერ ადასტურებენ და არც ჯარების გაგზავნის თარიღს ასახელებენ.
„უკრაინის ტერიტორიაზე სწავლება ერთ-ერთი მიმართულებაა, რომელიც პრეზიდენტის მიერ 26 თებერვალს მოწვეული უკრაინის მხარდაჭერის კონფერენციის შემდეგ განიხილება. ეს არის მიმართულება, რომლის შესწავლა გრძელდება უკრაინელებთან ერთად, კერძოდ, მათი სპეციფიკური საჭიროებების გასაგებად“, – აცხადებენ საფრანგეთის თავდაცვის სამინისტროში.
