ზედიზედ მეორედ – კვარაცხელია სერია A-ს სეზონის სიმბოლურ ნაკრებში დაასახელეს და საუკეთესოთა სამეულშია
ხვიჩა კვარაცხელია სერია A-ს სეზონის სიმბოლურ ნაკრებში მოხვდა – იტალიის ჩემპიონატის რჩეული ფეხბურთელები ანალიტიკურმა საფეხბურთო პორტალმა Sofascore-მა დაასახელა.
საქართველოს ნაკრების და „ნაპოლის“ ლიდერის თამაში დასრულებულ სეზონში Sofascore-მა 7,48 ქულით შეაფასა. ხვიჩა 4-4-2 სისტემით შერჩეულ საუკეთესო თერთმეტეულში თავდასხმაში ლაუტარომარტინესთან ერთად მოხვდა.
აღსანიშნავია, რომ 23 წლის ქართველი თავდამსხმელი წლის რჩეულ მოთამაშეთა სამეულში მოხვდა – სერია A-ში მასზე უკეთესი შეფასება მხოლოდ ჩემპიონი „ინტერის“ ლიდერებს, ჰაკან ჩალანოღლუს (7,68) და ლაუტარო მარტინესს (7,50) აქვთ.
აღსანიშნავია, რომ სერია A-ს წინა სეზონის საუკეთესო ფეხბურთელად აღიარებული კვარაცხელია სეზონის სიმბოლურ ნაკრებში ზედიზედ მეორედ მოხვდა.
