Reuters: შვეიცარიის სენატმა უარი თქვა უკრაინისთვის 5.5 მილიარდი დოლარის დახმარების გამოყოფაზე
შვეიცარიის პარლამენტის ზედა პალატამ უარი თქვა უკრაინისთვის 5.5 მილიარდი დოლარის დახმარების გამოყოფაზე იმ მიზეზით, რომ დახმარების გეგმა არღვევს სესხის აღებასთან დაკავშირებულ შეზღუდვებს. ინფორმაციას ამის შესახებ სააგენტო Reuters ავრცელებს.
ინიციატივის ძირითადი ოპონენტები იყვნენ პარლამენტის ზედა პალატის მემარჯვენე წევრები.
კანონმდებლების თქმით, აღნიშნული პაკეტი არღვევს ე.წ. „ვალის დამუხრუჭების“ შესახებ დებულებას.
უკრაინისათვის დახმარება განკუთვნილი იყო ქვეყანაში ინფრასტრუქტურის აღდგენისა და შეკეთების მხარდაჭერისთვის.
