გია აბაშიძე: როგორი ფარსია ბრიუსელელი მაღალჩინოსნების ე.წ. ერთობა და თანამოაზრეობა, მთავარია საკუთარი თანამდებობები და გავლენების გაძლიერება ევროკრატიულ სისტემაში
„როგორი ფეიკი და ფარსია ბრიუსელელი მაღალჩინოსნების ე.წ. ერთობა და თანამოაზრეობა. მთავარია საკუთარი თანამდებობები და გავლენების გაძლიერება ევროკრატიულ სისტემაში”, – ასე ეხმიანება ანალიტიკოსი გია აბაშიძე გამოცემა „politico“-ს სტატიას, სადაც აღნიშნულია, რომ ევროპული საბჭოს პრეზიდენტს, შარლ მიშელს სურს ევროკომისიის პრეზიდენტის, ურსულა ფონ დერ ლაიენის გამორიცხვა 17 ივნისს შეხვედრიდან, სადაც სახელმწიფოთა და მთავრობების მეთაურები ევროკავშირის უმაღლეს საქმეებს განიხილავენ.
„როგორი ფეიკი და ფარსია ბრიუსელელი მაღალჩინოსნების ე.წ. ერთობა და თანამოაზრეობა. მთავარია საკუთარი თანამდებობები და გავლენების გაძლიერება ევროკრატიულ სისტემაში. ევროპული საბჭოს პრეზიდენტს, შარლ მიშელს არ სურს ევროკომისიის პრეზიდენტის, ურსულა ფონ დერ ლაიენის მიწვევა ევროკავშირის ლიდერების არაფორმალურ სამიტზე, რათა გამორიცხოს მოლაპარაკებები მის ხელახლა არჩევაზე. ევროკავშირის ლიდერებთან და მათ თანაშემწეებთან საუბრისას, მიშელმა შესთავაზა ევროკომისიის ხელმძღვანელის გამორიცხვა 17 ივნისის შეხვედრიდან, სადაც სახელმწიფოთა და მთავრობების მეთაურები განიხილავენ კანდიდატებს ევროკავშირის უმაღლეს თანამდებობებზე. ამის შესახებ POLITICO-ს აცნობა ევროკავშირის შვიდმა დიპლომატმა და ოფიციალურმა პირმა ეროვნული მთავრობებიდან. წევრ ქვეყნებს სულ უფრო მეტად აღიზიანებთ შარლ მიშელის როლი ევროკომისიის პრეზიდენტის შერჩევის პროცესში, – თქვა ევრობლოკის ერთ-ერთმა დიპლომატმა.
მიშელის გადასაწყვეტია, ვის შეუძლია შეუერთდეს ლიდერებთან სადილს, იმის გათვალისწინებით, რომ 17 ივნისის შეხვედრა არაფორმალური სამიტია. დიპლომატებმა და ოფიციალურმა პირებმა განაცხადეს, რომ ევროპული საბჭოს ხელმძღვანელის წინადადებაზე ევროპული დედაქალაქებიდან არის ძლიერი წინააღმდეგობა. მიშელსა და ფონ დერ ლაიენს შორის ისტორიული მეტოქეობა მნიშვნელოვან როლს თამაშობს ამ გაღიზიანებაში. ლიდერები უნდა შეთანხმდნენ ევროკომისიის, ევროპული საბჭოს და ევროპარლამენტის მომავალ პრეზიდენტებზე, თუმცა პარლამენტი კენჭს უყრის საკუთარ ხელმძღვანელობას, ასევე საგარეო პოლიტიკის მომავალ კომისარს. ზოგიერთი ეჭვობს, რომ მიშელი აყალიბებს სქემას, რათა შეცვალოს ბორელი ევროკავშირის საგარეო პოლიტიკის უფროსის თანამდებობაზე. „თუ მას სურს ურსულა ფონ დერ ლაიენის ოთახიდან გაყვანა, თავადაც უნდა გავიდეს“, – თქვა ევროკავშირის ერთ-ერთმა დიპლომატმა”, – წერს გია აბაშიძე სოციალურ ქსელში.
