მერაბ ქვარაია ოპოზიციაზე: მათი სურვილი, რომ ქვეყანაში სახიფათო კოცონი დაინთოს, არავითარ შემთხვევაში არ მოხდება
“ვნახოთ სოციალური ქსელები, ირგვლივ მიმოვიხედოთ და ვნახავთ თუ რა ხდება, რა დონის ბულინგი ხორციელდება ბავშვებზე, ოჯახის წევრებზე, მშობლებზე”, – განაცხადა საპარლამენტო უმრავლესობის წევრმა მერაბ ქვარაიამ და ბოლო პერიოდში პარლამენტის წევრების მიმართ განხორციელებულ შეურაცხყოფაზე ისაუბრა.
„დარწმუნებული ვართ ის სურვილი, რომ ქვეყანაში სახიფათო კოცონი დაინთოს არავითარ შემთხვევაში არ მოხდება, ამას ხელისუფლება ყურადღებით ადევნებს თვალს, მაგრამ როდესაც გინდა, რომ ასეთი კოცონი დაანთო, შეიძლება ხელები დაიწვა და ყველა ფრთხილად უნდა იყოს. არსებობს თამაშის წესები, რომელსაც არავინ არ უნდა გადააბიჯოს და წითელი ზონები, რომელიც არავინ არ უნდა გადაკვეთოს. ჩვენ ამაზე ხშირად ვსაუბრობთ, მაგრამ საზოგადოების იმ ნაწილს, რომელიც საკუთარ თავს რადიკალურ ოპოზიციას ეძახის, სამწუხაროდ, ეს არ ესმის“, – აღნიშნა მერაბ ქვარაიამ.
