ლევან ნიკოლეიშვილი: რატომ არ ეხმაურება დე ფაქტო პრეზიდენტი ეროვნული ნაკრების ფეხბურთელების ღირსების ორდენით დაჯილდოების თაობაზე პრემიერის და პარლამენტის თავმჯდომარის წარდგინებას? მას არ მიუღია შესაბამისი დავალება უცხოელი პატრონებისგან
„როგორ ფიქრობთ, რატომ არ ეხმაურება დე ფაქტო პრეზიდენტი ეროვნული ნაკრების ფეხბურთელების ღირსების ორდენით დაჯილდოების თაობაზე პრემიერის და პარლამენტის თავმჯდომარის წარდგინებას? ამას რამდენიმე მარტივი ახსნა აქვს: მას არ მიუღია შესაბამისი დავალება უცხოელი პატრონებისგან“, – ამის შესახებ ექსპერტი ლევან ნიკოლეიშვილი, სოციალურ ქსელში წერს.
მისი განცხადებით, თუ ფეხბურთელები წარუმატებლად იასპარეზებენ, ზურაბიშვილი ხელისუფლების და პოლიტიკური დაძაბულობისგან მიღებულ სტრესს დააბრალებს. რაც შეეხება ნატო-ში ელჩის დანიშვნას, ექსპერტის თქმით, მას არც ეს საკითხი შეუთანხმებია ჯერ უცხოელ პატრონებთან და “ნაცებთან.”
„როგორ ფიქრობთ, რატომ არ ეხმაურება დე ფაქტო პრეზიდენტი ეროვნული ნაკრების ფეხბურთელების ღირსების ორდენით დაჯილდოების თაობაზე პრემიერის და პარლამენტის თავმჯდომარის წარდგინებას?
ამას რამდენიმე მარტივი ახსნა აქვს: მას არ მიუღია შესაბამისი დავალება უცხოელი პატრონებისგან. ღმერთმა დაგვიფაროს და ჩვენი ფეხბურთელების შესაძლო წარუმატებლობა ხელისუფლებას და „პოლიტიკურ დაძაბულობიდან მიღებულ სტრეს“ დააბრალოს… არ ჩქარობს გარინდებულია, ელოდება „ვნახოთ, რა მოხდება რეჟიმშია“ გატრუნული.
რაც შეეხება ელჩების დანიშვნის საკითხის გაჭიანურებას, რაც პირველი შემთხვევა არ არის მისი მხრიდან, აქაც იგივე სურათია ჯერ არ შეუთანხმებია არც უცხოელ პატრონებთან და არც ნაცებთან ელჩების საკითხი.
ქალბატონი ზურაბიშვილის ქცევა, კიდევ ერთხელ ცხადყოფს მის ყალბ და არასერიოზულ დამოკიდებულებს ნებისმიერი სახის სახელმწიფო საკითხების მიმართ”, – წერს ნიკოლეიშვილი.
