ფინეთის პრეზიდენტი: დარწმუნებული ვარ, მარკ რუთე ნატოს შემდეგი გენერალური მდივანი გახდება
ფინეთის პრეზიდენტი ალექსანდრე სტუბი აცხადებს, რომ ჩრდილოატლანტიკური ალიანსის შემდეგი გენერალური მდივანი ნიდერლანდების პრემიერ-მინისტრი მარკ რუთე გახდება.
„თითქმის დარწმუნებული ვარ, რომ რუთე ნატოს შემდეგი გენერალური მდივანი გახდება. მას აქვს ძლიერი ტრანსატლანტიკური კავშირები, ნიდერლანდების პრემიერ-მინისტრი 13 წლის განმავლობაში იყო, დიდ პატივს სცემენ“, – განაცხადა ალექსანდრე სტუბმა.
12 ივნისს ნატო-ში აშშ-ის ელჩმა, ჯულიან სმიტმა განაცხადა, რომ ალიანსი უახლოვდება გენერალური მდივნის, იენს სტოლტენბერგის შემცვლელის კანდიდატურის დამტკიცებას.
იენს სტოლტენბერგს ალიანსის გენერალური მდივნის პოსტზე უფლებამოსილება წელს უმთავრდება. ნატო-ს გენერალური მდივანი წევრი ქვეყნების კონსენსუსით ირჩევა.
