საქართველოს ეროვნული ნაკრების მეკარე გიორგი მამარდაშვილი ევროპის ჩემპიონატზე სადებიუტო გამოსვლას ეხმაურება.
როგორც მამარდაშვილი სოციალურ ქსელში წერს, ქართველმა ფეხბურთელებმა თურქეთთან დაპირისპირებისას დაამტკიცეს, რომ არასდროს დანებდებიან.
„სადებიუტო თამაში EURO-2024-ზე, რომელიც ყველას გვემახსოვრება. ვამაყობ ჩემი გუნდით და ჩემი ხალხით!თამაში, სადაც ყველამ დაინახა, რომ არასდროს დავნებდებით! მადლობა გვერდში დგომისთვის“, – წერს გიორგი მამარდაშვილი.
შეგახსენებთ, საქართველოსა და თურქეთის ეროვნული ნაკრებები ერთმანეთს 18 ივნისს დაუპირისპირდნენ. დაძაბული და სანახაობრივი მატჩი საბოლოოდ თურქების გამარჯვებით, 3:1 დასრულდა.
