თემურ ხვედელიძე ევროპის ჩემპიონი გახდა. ქართველმა სპორტსმენმა სალონიკში მიმდინარე ჭაბუკ ძალოსანთა ევროპის ჩემპიონატზე (U15) ორი ოქროს და ერთი ვერცხლის მედალი მოიპოვა.
ხვედელიძემ ატაცში თავი 114 / 121 კილოგრამს გაართვა, ვერცხლის მედალი მოიპოვა და ვიცე-ჩემპიონობაც იზეიმა.
ძალოსანმა აკვრაში 141 / 147 / 152 კილოგრამის ძლევით ოქროს მედალი დაისაკუთრა და ჩემპიონობა იზეიმა. ასევე კვარცხლბეკის უმაღლეს საფეხურზე დადგა ორჭიდში მოგროვილი 273 კილოგრამითაც.