ივან ჰაშეკი: ვუყურეთ თურქეთ-საქართველოს შეხვედრას, გავაანალიზეთ და მინდა გითხრათ, რომ ქართველებმა საოცრად მაღალი დონის ფეხბურთი ითამაშეს
„ვუყურეთ თურქეთ-საქართველოს შეხვედრას, გავაანალიზეთ და მინდა გითხრათ, რომ ქართველებმა საოცრად მაღალი დონის ფეხბურთი ითამაშეს”, – ამის შესახებ ჩეხეთის ეროვნული გუნდის მთავარმა მწვრთნელმა, ივან ჰაშეკმა პრესკონფერენციაზე განაცხადა.
„საქართველოს ნაკრებს ჰყავს გიორგი მიქაუტაძე და ეს ფორვარდი მოედანს გატანილი ბურთის გარეშე პრაქტიკულად არ ტოვებს. მისით დაინტერესებას საფრანგეთის ლიგა ერთის რამდენიმე გუნდი გამოთქვამს. ასევე მომწონს გიორგი ჩაკვეტაძე. მათი მთავარი მწვრთნელი, ვილი სანიოლი კი ძალიან კარგი ფეხბურთელი იყო“, – განაცხადა ჰაშეკმა.