წყლის მიწოდების პრობლემის გამო, იტალიის კუნძულ კაპრიზე ტურისტებს ჩასვლა დროებით შეიზღუდა. აკვედუკის დაზიანებამ კუნძულ კაპრის მოსახლეობა სასმელი წყლის გარეშე დატოვა.
„ჩვენ ვამზადებთ ახალ ნაკლებად მკაცრ განკარგულებას, რათა უკან დაბრუნების ნება დავრთოთ მოსახლეობას, სახლების მფლობელებს, რომლებსაც ხშირად წყლის საკუთარი ავზი აქვთ და ტურისტებს, რომლებსაც სასტუმროს ჯავშანი აქვთ. მათი წყლით უზრუნველყოფა სასტუმროების პასუხისმგებლობა იქნება“, – განაცხადა კაპრის მერმა პაოლო ფალკომ.
პაოლო ფალკოს თქმით, ხელისუფლება უწყვეტ რეჟიმში მუშაობს, რათა კუნძულზე წყლის მიწოდება ავზებით მოხდეს.
„ბოდიშს ვუხდი ყველას, თუმცა მე ვერაფერს ვაკეთებ. ჩემი პრიორიტეტი უნდა იყოს ჯანდაცვის სფეროში საგანგებო სიტუაციის თავიდან აცილება”, – განაცხადა მან.
მაისსა და ივნისში კაპრი იტალიის კურორტებს შორის ტურისტებში ყველაზე პოპულარული მიმართულება იყო.