ვლადიმერ ბოჟაძე: რადიკალური ოპოზიციის, ქვეყნის შიდა და გარე მტრების დაუღალავი მცდელობების, საბოტაჟის და დესტაბილიზაციის სურვილის მიუხედავად, საქართველო განაგრძობს განვითარებას
“რადიკალური ოპოზიციის, ქვეყნის შიდა და გარე მტრების დაუღალავი მცდელობების, საბოტაჟის და დესტაბილიზაციის სურვილის მიუხედავად, საქართველო განაგრძობს განვითარებას: იზრდება ეკონომიკა და მოსახლეობის შემოსავლები, მცირდება სიღარიბე და უმუშევრობა”, – წერს თბილისის საკრებულოს წევრი უმრავლესობიდან ვლადიმერ ბოჟაძე სოციალურ ქსელში და ეკონომიკური ზრდის წინასწარი შეფასების მონაცემებს აქვეყნებს, რომლის მიხედვითაც წინა წლის შესაბამის პერიოდთან შედარებით რეალური მშპ გაიზარდა 9.2%-ით, ხოლო 2024 წლის იანვარ-მაისის რეალური ზრდა 9.3%-ია.
ბოჟაძის თქმით, რუსეთ-უკრაინის სასტიკი ომის და რეგიონში გართულებული გეოპოლიტიკური ვითარების ფონზე, სულ უფრო რთულია მშვიდობის შენარჩუნება, თუმცა ხელისუფლება პარტნიორებთან ერთად ყველაფერს აკეთებს, რომ საქართველოში იყოს მშვიდობა და სტაბილურობა.
„რუსეთ-უკრაინის სასტიკი ომის და რეგიონში გართულებული გეოპოლიტიკური ვითარების ფონზე, სულ უფრო რთულია მშვიდობის შენარჩუნება, თუმცა ხელისუფლება პარტნიორებთან ერთად ყველაფერს აკეთებს, რომ საქართველოში იყოს მშვიდობა და სტაბილურობა. რადიკალური ოპოზიციის, ქვეყნის შიდა და გარე მტრების დაუღალავი მცდელობების, საბოტაჟის და დესტაბილიზაციის სურვილის მიუხედავად, საქართველო განაგრძობს განვითარებას: იზრდება ეკონომიკა და მოსახლეობის შემოსავლები, მცირდება სიღარიბე და უმუშევრობა. საქართველოს ხელისუფლება ყოველთვის დაიცავს ჩვენი სახელმწიფოს და ხალხის ინტერესებს, აუცილებლად შევინარჩუნებთ მშვიდობას და სტაბილურობას, რაც უზრუნველყოფს წინსვლას და განვითარებას!
ეკონომიკური ზრდის წინასწარი შეფასება, 2024 მაისი- წინა წლის შესაბამის პერიოდთან შედარებით რეალური მშპ გაიზარდა 9.2%-ით. 2024 წლის იანვარ-მაისის რეალური ზრდა 9.3%. დეტალური ინფორმაციისთვის იხილეთ ბმული“, – წერს ბოჟაძე