“ვერ მოახერხეს ფეხბურთის ინსტრუმენტალიზაცია პოლიტიკის ნაწილად, ვერ ჩაითრიეს ფეხბურთელები ანტისახელმწიფოებრივ განცხადებებში. სწორედ, ამან გამოიწვია მათი გაღიზიანება”, – ამის შესახებ „ქრონიკასთან“ ინტერვიუში საპარლამენტო უმრავლესობის წევრმა ხატია წილოსანმა ოპოზიციის ნაწილის შესახებ განაცხადა.
„მადლიერების გამოხატვა, რომელიც უკავშირდებოდა ფეხბურთელების მხრიდან მეცენატისთვის მადლობის გადახდას, გახდა იმის საფუძველი, რაც ჩვენ ყველამ ვიხილეთ. შესაბამისად, ახალი არაფერი არ არის იმაში, რომ „ნაციონალური მოძრაობა“ ორმაგი სტანდარტით ყოველთვის ცდილობს საზოგადოების გახლეჩას“, – აღნიშნა წილოსანმა.
